2022-02-10 15:29:46, 801 ნახვა
მსოფლიო
ლიზ ტრასი ლავროვს - ომი კატასტროფული იქნება, რუსეთმა უკრაინის ტერიტორიულ მთლიანობას პატივი უნდა სცეს
ბრიტანეთის საგარეო საქმეთა მინისტრის, ლიზ ტრასის განცხადებით, უსაფრთხოების შესანარჩუნებლად, რუსეთმა უკრაინის სუვერენიტეტს პატივი უნდა სცეს. ამის შესახებ აზრი, მინისტრმა მოსკოვში დიპლომატიური ვიზიტის დროს, გამოთქვა.
ლიზ ტრასმა რუსეთის საგარეო საქმეთა მინისტრს, სერგეი ლავროვს გაფრთხილებით მიმართა და აღნიშნა, რომ რუსეთ-უკრაინას შორის ომს დამანგრეველი შედეგი ექნება. ამბის შესახებ ინფორმაციას The Guardian ავრცელებს.
„უკრაინასთან ომი, როგორც რუსეთისთვის ასევე, უკრაინისთვის და ევროპული უსაფრთხოებისთვის კატასტროფული იქნება. რუსეთმა უკრაინის ტერიტორიულ მთლიანობასა და სუვერენიტეტს, 1994 წლის ბუდაპეშტის მემორანდუმის ხელშეკრულებისამებრ, პატივი უნდა სცეს“, - განაცხადა ბრიტანეთის საგარეო საქმეთა მინისტრმა.
ავტორი: ექსპრესნიუსი,
epn.ge (@expressnews.ge)
