რუსეთმა 20 წლის განმავლობაში პირველად, მიუნხენის უსაფრთხოების კონფერენციაში მონაწილეობაზე უარი თქვა. აღნიშნულის შესახებ რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ განაცხადა.

მედიის ინფორმაციით, მიზეზი მსოფლიოს მხრიდან, უკრაინასთან დაკავშირებული კრიტიკის გარდა, კორონავირუსის გამო არსებული რეგულაციები გახდა.

გაზეთ „კომერსანტის“ ცნობით, მოსკოვი უკმაყოფილოა, რომ გერმანიაში ჩასულმა დელეგაციამ 6 დღიანი კარანტინი უნდა გაიაროს, იმ შემთხვევაში, თუ დელეგაციის წევრები ევროკავშირში არაღიარებული ვაქცინით არიან აცრილი.

საერთაშორისო უსაფრტთხოების საკითხებში პოლიტიკოსებისა და ექსპერტების ტრადიციულ შეხვედრას, რომელიც 18-20 თებერვალს, მიუნხენში გაიმართება, სავარაუდოდ, აშშ-ის ვიცე პრეზიდენტი კამილა ჰარისი, გერმანიის კანცლერი ოლაფ შოლცი და სხვადასხვა სახელმწიფოთა მეთაურები დაესწრებიან. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს