2022-01-05 14:36:00, 773 ნახვა
მსოფლიო
ყაზახეთში, აქციის მონაწილეები ადმინისტრაციული ცენტრის შენობაში შეიჭრნენ – პოლიციამ ცრემლსადენი გაზი გამოიყენა
ყაზახეთში ვითარება დაძაბული რჩება. პროტესტის მონაწილეები ქალაქ ალმატის ადმინისტრაციულ ცენტრზე თავდასხმას განაგრძნობენ.
ადგილობრივი მედიის ინფორმაციით, ადმინისტრაციულ ცენტრთან შეკრებილი მომიტინგეები არმატურებით, ჯოხებითა და ფარებით არიან აღჭურვილები
ამასთანავე, ცნობილი ხდება, რომ მაშინ, როცა დემონსტრანტებმა რაიონული ადმინისტრაციის შენობაში შეჭრა სცადეს, პოლიციამ ცრემლსადენი გაზი გამოიყენა. „რადიო თავისუფლების“ ინფორმაციით, არიან დაშავებულებიც.
გამოსვლები ყაზახეთის სხვა რეგიონებშიც გრძელდება. აქციის მონაწილეები ადგილობრივი ხელისუფლების წარმომადგენლებთან შეხვედრას ითხოვენ.
ცნობისთვის, მთავრობის გადადგომის შემდეგ, დემონსტრანტები ყაზახეთში ხელისუფლების სრულად შეცვლას და ვადამდელი საპარლამენტო არჩევნების დანიშვნას ითხოვენ.
ავტორი: ექსპრესნიუსი,
epn.ge (@expressnews.ge)
