2021-12-26 15:48:18, 2575 ნახვა

---

ამირან გამყრელიძე - ქვეყანაში „ომიკრონის“ 51 შემთხვევაა დადასტურებული, მათ შორის 5 არასრულწლოვანია

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ქვეყანაში კორონავირუსისი ახალი “ომიკრონ” შტამის 51 დადასტურებული შემთხვევაა, საიდანაც 5 არასრულწლოვანია.

როგორც გამყრელიძემ ჟურნალისტებთან საუბრისას განაცხადა, ინფიცირებულ არასწრულწლოვნებს შორის ერთი სტაციონარშია მოთავსებული, თუმცა ამის მიზეზი სხვა თანმხლები დაავადებების არსებობაა.

„დღევანდელი დღის ჩათვლით, "ომიკრონის“ 51 შემთხვევაა ქვეყანაში ლაბორატორიულად დაფიქსირებული,  როგორც სექვენირებით, ისე სპეციფიური PCR ტესტებით. ასევე კვლევაშია კიდევ რამდენიმე ათეული შემთხვევა. 18 წლამდე 5 ბავშვი გახლავთ, აქედან ერთი არის სტაციონარში, მაგრამ მას ძირითადი, სხვა დაავადება აქვს, ამის გამოა სტაციონარში და არა "ომიკრონით“ ინფიცირების გამო“, - განაცხადა გამყრელიძემ.

ცნობისთვის, საქართველოში “ომიკრონის” ორი შემთხვევა 20 დეკემბერს დადასტურდა. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი