2021-12-24 10:05:36, 1084 ნახვა
მსოფლიო
ჯო ბაიდენის ადმინისტრაციაში აცხადებენ, რომ მოსკოვის აგრესია უკრაინის წინააღმდეგ მხოლოდ სანქციებს არ გამოიწვევს
აშშ-ის პრეზიდენტის, ჯო ბაიდენის ადმინისტრაციაში აცხადებენ, რომ რუსეთის აგრესია უკრაინის წინააღმდეგ მხოლოდ დასავლურ სანქციებს არ გამოიწვევს..
როგორც პრეზიდენტის ადმინისტრაციის ერთ-ერთმა მაღალჩინოსანმა განაცხადა, აგრესიის გაგრძელების შემთხვევაში, რუსეთი ნატო-ს აიძულებს, გაზარდოს სამხედრო დახმარება ოფიციალური კიევისთვის და განალაგოს მეტი ძალები რუსეთის სიახლოვეს.
„თუ რუსეთი გააგრძელებს იმას, რაც შეიძლება, ახლა მიმდინარეობდეს, ჩვენ და ჩვენი მოკავშირეები მზად ვართ, დავაკისროთ მათ მძიმე ხარჯები, რაც დააზარალებს რუსულ ეკონომიკას და მოიტანს ზუსტად იმას, რაც მათ არ სურთ – ნატო-ს მეტ შესაძლებლობებს რუსეთის სიახლოვეს“, - განაცხადა ჯო ბაიდენის ადმინისტრაციის ერთ-ერთმა მაღალჩინოსანმა.
ავტორი: ექსპრესნიუსი,
epn.ge (@expressnews.ge)
