შეუძლებელია შერიგებაზე საუბარი, სანამ „ნაციონალური მოძრაობა“ პოლიტიკურ შეცდომებს და დანაშაულს არ აღიარებს. - ამის შესახებ "ქართული ოცნების" ერთ-ერთმა ლიდერმა, არჩილ თალაკვაძემ განაცხადა.

მისი თქმით, "ოცნების" სურვილია  დეპოლარიზაცია შემცირება, რაც  ერთადერთ შემთხვევაშია შესაძლებელი, თუ სამართლიანად მოხდება სადავო საკითხების შეფასება.

"რაც შეეხება ე.წ. შერიგებას - შერიგება და შეთანხმება, ყოველთვის პირველ რიგში ეფუძნება სამართლიანობას, სამართლიანობის პრინციპებს და სანამ, ჩვენი მოწინააღმდეგე მხარე, ამ შემთხვევაში, რომელიც ხალხის და სახელმწიფოს წინააღმდეგაც გამოდის, ეს არის „ნაციონალური მოძრაობა“, სამართლიანად არ აღიარებს იმ პოლიტიკურ შეცდომებს და დანაშაულს, რისთვისაც მართლმსაჯულების წინაშე წარსდგა არა ერთი მისი პოლიტიკური ლიდერი, რა თქმა უნდა, შეუძლებელი იქნება რაიმე შერიგებაზე საუბარი. ჩვენ გვსურს, რომ შევამციროთ დეპოლარიზაცია, თუმცა დეპოლარიზაციის შემცირება ერთადერთ შემთხვევაშია შესაძლებელი, როდესაც სამართლიანად მოხდება იმის შეფასება, რაც აქამდე იყო სადავო. სიმართლე გახლავთ ის, რომ მიხეილ სააკაშვილის ხელმძღვანელობით ამ გუნდმა სისტემურად დაარღვია ადამიანის უფლებები დააზარალა ბიზნესი და საკუთრების უფლება უხეშად შელახა, ასევე შეიჭრა მედიაში და ათასობით ადამიანს გაუსწორდა ძალადობრივად განსხვავებული აზრისთვის." - განაცხადა თალაკვაძემ.

ავტორი: ექსპრესნიუსი,

სოციალური ქსელები

თეთრი სახლი: ტრამპი მსოფლიო ჩემპიონატის ფინალს დაესწრება

აშშ-მ ირანზე საჰაერო დარტყმების ახალი ტალღის დაწყების შესახებ განაცხადა

აშშ-მ გაამკაცრა ვიზების გაცემის წესები უცხოელი ჟურნალისტებისა და სტუდენტებისთვის

უკრაინაში თავდაცვის მინისტრ ფედოროვის გადადგომის გამო საპროტესტო აქციები მიმდინარეობს