ჟურნალისტტა დაცვის კომიტეტის წლიური ანგარიშის თანახმად, 2021 წელს მსოფლიოში დაპატიმრებული ჟურნალისტების რაოდენობამ რეკორდულ მაქსიმუმს მიაღწია.

CPJ-ს ანგარიშის მიხედვით, 2021 წლის 1-ელი დეკემბრის მონაცემებით, პროფესიული საქმიანობის შესრულებისას 293 რეპორტიორი დააკავეს, რაც 2020 წელთან შედარებით 13-ით მეტია.

ამასთანავე, ანგარიშში ვკითხულობთ, რომ აღნიშნულ პერიოდში სულ მცირე 24 ჟურნალისტი მოკლეს პროფესიული საქმიანობის შესრულების დროს, მათგან 18 რეპორტიორი ბუნდოვან ვითარებაში დაიღუპა.

კომიტეტის ანგარიშის მიხედვით, მსოფლიოს მასშტაბით, ციხეში მყოფ ჟურნალისტთა რაოდენობით, უკვე ზედიზედ მესამე წელია, ჩინეთი იმყოფება. მიანმრმა, აქციებზე მედიის დარბევის შემდეგ, რომელიც 1-ელ თებერვალს სამხედრო გადატრიალებას მოჰყვა, მეორე ადგილი დაიკავა. ხუთეულშია ასევე ეგვიპტე, ვიეტნამი და ბოლო ადგილს, ბელარუსი იკავებს.

ანგარიშში ვკითხულობთ, რომ წინა წლებში თურქეთი ციხეში ჟურნალისტთა რაოდენობით მოწინავე პოზიციაზე იმყოფებოდა, ახლა კი მეექვსე ადგილზე გადაინაცვლა. CPJ-ის ცნობით, 2020 წელს თურქეთმა ციხიდან 18 ჟურნალისტი გაათავისუფლა.

ანგარიშის მიხედვით, ციხეში ჟურნალისტთა მყოფი ქვეყნების ათეულში შედიან რუსეთი, ირანი და ეთიოპია. ამასთანავე, მსოფლიო მასშტაბით 293 ციხეში მყოფი ჟურნალისტებიდან 40 ქალია.

ავტორი: ექსპრესნიუსი,

სოციალური ქსელები

₾100 ათასამდე შემოსავლის მქონე პირები ქონების გადასახადისგან გათავისუფლდნენ - პარლამენტმა კანონი მიიღო

2027 წლიდან 70 წლამდე პირთა პენსია ₾20-ით გაიზრდება, 70 წელს ზემოთ - ₾60-ით - ბიუჯეტის პროექტი

GASOLINE - Reckless-ისა და Tegeta-ს ლიმიტირებული კოლექცია უკვე ხელმისაწვდომია

მორიგი ჯილდო The Digital Banker-ისგან - საუკეთესო საკრედიტო ბარათი მაღალშემოსავლიანი სეგმენტის მომხმარებლებისთვის აღმოსავლეთ ევროპაში