რუსეთი 175 000 ჯარისკაცით უკრაინის წინააღმდეგ თავდასხმას გეგმავს. - ამის შესახებ ინფორმაცია აშშ-ს დაზვერვამ დაადგინა.

The Washington Post-ის ცნობით,  აშშ-ს დაზვერვამ დაადგინა, რომ კრემლი უკრაინაზე  შეტევას გეგმავს, რომელშიც მონაწილეობას 175,000-მდე ჯარისკაცი მიიღებს.

"რუსეთის გეგმები ითვალისწინებს უკრაინაზე სამხედრო თავდასხმას 2022 წლის დასაწყისში, ორჯერ უფრო დიდი სამხედრო ძალით, ვიდრე ეს ბოლო გაზაფხულზე, უკრაინის საზღვრებთან რუსეთის ვარჯიშების დროს ვიხილეთ. გეგმა მოიცავს ბატალიონის 100 ტაქტიკური ჯგუფის ფართო მოძრაობას, სავარაუდოდ, 175 000 სამხედროს ჩართულობით, ჯავშანტექნიკით, არტილერიითა და აღჭურვილობით", - თქვა  ანონიმურად Washington Post-თან აშშ-ს ოფიციალურმა პირმა.

The  Washington Post-ის მიერ მოპოვებული აშშ-ს დაზვერვის დოკუმენტი, მოიცავს სატელიტურ ფოტოებს, რომელშიც ჩანს ჯარისკაცები, რომლებიც ოთხ სხვადასხვა ადგილზე გროვდებიან. დოკუმენტის თანახმად, ტანკებთან და არტილერიასთან ერთად საბრძოლო ველზე 50 ტაქტიკური ჯგუფია განლაგებული.

უკრაინული ინფორმაციით, მათ საზღვრებთან 94 000-მდე რუსი სამხედრო იყო განლაგებული, აშშ-ს დაზვერვის ბოლო ცნობებით კი, მათი რიცხვი 70 000-მდეა. თუმცა, ამერიკული ცნობების მიხედვით, მოსალოდნელია მათი რაოდენობის 175 000-მდე გაზრდა. მათი აზით, რუსეთის სამხედრო შენაერთების ინტენსიური გადაადგილება ემსახურება "მათი მიზნების ბურუსით მოცვასა და გაურკვევლობის შექმნას".
 
აშშ-ს დაზვერვის ოფიციალურმა წარმომადგენელის თქმით, ბოლო თვეში გაზრდილია რუსული და მათ მიერ კონტროლირებული მედიების პროპაგანდაც, უკრაინისა და NATO-ს წინააღმდეგ, რათა პოტენციური რუსული სამხედრო აგრესია მომავალში მათ დააბრალონ. 

ამასთან, ბლინკენმა გააფრთხილა უკრაინელები, არ მისცენ რუსეთს სამხედრო მოქმედების საბაბი.

”ჩვენ ასევე მოვუწოდებთ უკრაინას თავი შეიკავონ, რადგან არ წამოეგო რუსეთის მიერ მოწყობილ პროვოკაციას." - თქვა მან.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია