მოსკოვში უზენაესი სასამართლოს შენობასთან 300-მდე ადამიანი მივიდა, აქციის მონაწილეები "საერთაშორისო მემორიალის" ლიკვიდაციის მცდელობას აპროტესტებენ. უზენაეს სასამართლოში მიმდინარეობს სხდომა გენერალური პროკურატურის სარჩელზე „საერთაშორისო მემორიალის“ ლიკვიდაციის შესახებ . ორგანიზაციის მხარდასაჭერად მისული პლაკატების გამშლელი აქციის მონაწილეები მაშინვე დააკავეს. გენერალურმა პროკურატურამ უფლებადამცველები „უცხოური აგენტების“ ეტიკეტირების მოთხოვნების „სისტემატურ“ დარღვევაში დაადანაშაულა. საერთაშორისო მემორიალის თანამშრომლები სარჩელს უწოდებენ პოლიტიკურ გადაწყვეტილებას რუსეთში უძველესი უფლებადამცველი ორგანიზაციის განადგურების შესახებ, რომელიც, კერძოდ, დაკავებულია სტალინის რეპრესიების შესწავლით.

უზენაესმა სასამართლომ "საერთაშორისო მემორიალის" საწინააღმდეგო საქმის განხილვა 25 ნოემბერს უნდა დაიწყოს. "მემორიალის" თანამშრომლები ითხოვენ სხდომების გასაჯაროებას, რადგან "სხდომები საზოგადოებისთვისაა მნიშვნელოვანი". 23 ნოემბრის სხდომა დახურულ კარს მიღმა გაიმართა, ოფიციალურმა პირებმა ამის მიზეზად დაასახელეს COVID-19-თან დაკავშირებული სიფრთხილის ზომები.

ევროპის საბჭო რუსეთის ხელისუფლებას მოუწოდებს, შეაჩეროს ორგანიზაცია „მემორიალის“ ლიკვიდაცია და გადაუდებელი წესით გააუქმოს კანონი „უცხოეთის აგენტების“ შესახებ.

ამის შესახებ ლაპარაკია ევროპის საბჭოს ადამიანის უფლებების კომისიის თავმჯდომარის, დუნია მიატოვიჩის განცხადებაში, რომელიც 17 ნოემბერს გამოქვეყნდა.

რუსეთის ხელისუფლების მოქმედებები, რომლებიც „საერთაშორისო მემორიალისა“ და უფლებადამცველი ცენტრი „მემორიალის“ ლიკვიდაციისკენ არის მიმართული ე.წ. „უცხოეთის აგენტების“ შესახებ კანონის დარღვევის გამო, ღრმა შეშფოთებას იწვევს ევროპის საბჭოში.

საერთაშორისო ისტორიული, საგანმანათლებლო, ადამიანის უფლებათა და საქველმოქმედო საზოგადოება მემორიალი არის არასამთავრობო ორგანიზაცია, რომლის მთავარი ამოცანა თავდაპირველად სსრკ-ში პოლიტიკური რეპრესიების კვლევა იყო. ახლა ის არის ათობით ორგანიზაციის საზოგადოება რუსეთში, გერმანიაში, ყაზახეთში, იტალიაში, ჩეხეთში, ბელგიაში, საფრანგეთში, უკრაინაში, რომლებიც აწარმოებენ კვლევებს, ადამიანის უფლებათა დაცვისა და საგანმანათლებლო სამუშაოებს.

ავტორი: ექსპრესნიუსი,

სოციალური ქსელები

განათლების სამინისტრო - ინფორმაცია სკოლის ტერიტორიების გასხვისებასთან დაკავშირებით, არის სრული სიცრუე

ეროვნული ბანკი სესხების გაცემის წესი გამკაცრებას „მაღალი ეკონომიკური ზრდითა და შედეგად გაზრდილი ხელფასებით“ ხსნის

სესხების გაცემის წესი მკაცრდება

El Mundo: რუსეთის სადაზვერვო სამსახურები შეერთებულ შტატებში ოპოზიციის წარმომადგენლების, კასპაროვისა და პონომარევის მკვლელობას გეგმავდნენ