2021-11-16 15:58:58, 798 ნახვა
პოლიტიკა
თბილისში ოპოზიციის მორიგი აქცია მიმდინარეობს – სამი ლოკაციიდან ავტოკოლონებით მსვლელობა დაიწყო
თბილისში, "ნაციონალური მოძრაობის" ორგანიზებით მორიგი საპროტესტო აქცია მიმდინარეობს. აღმაშენებლის ხეივნიდან, რესპუბლიკის მოედნიდან და ცესკო–ს შენობის მიმდებარე ტერიტორიიდან ავოტკოლონებით მსვლელობა დაიწყო.
ოპოზიციის წევრები ამბობენ, რომ პროტესტის მიზანი და მოთხოვნები იგივეა, გადაიყვანონ ქვეყნის მესამე პრეზიდენტი სამოქალაქო კლინიკაში, ფორმები კი იცვლება. მათივე თქმით, პროტესტი მანამდე არ შეწყდება, სანამ ხელისუფლება მოთხოვნებს არ შეასრულებს.
ცნობისთვის, საქართველოს მესამე პრეზიდენტი, მიხეილ სააკაშვილი უკვე 47 დღეა შიმშილობს. ოპოზიცია მის სამოქალაქო მრავალპროფილურ კლინიკაში გადაყვანას და რიგგარეშე არჩევნების დანიშვნას ითხოვს.
ავტორი: ექსპრესნიუსი,
epn.ge (@expressnews.ge)
