აშშ-ის სახელმწიფო დეპარტამენტში თურქეთის ხელისუფლებისგან აშშ-ის ელჩის პერსონა ნონ გრატად გამოცხადების შესახებ რეჯეფ თაიფ ერდოღანის მიერ გაკეთებული განცხადების ახსნა-განმარტებებს ელოდებიან.

ამასთან, თურქეთის საგარეო უწყებას აშშ-ის და კიდევ ცხრა ქვეყნის ელჩი პერსონა ნონ გრატად ოფიციალურად ჯერ არ გამოუცხადებია.

ამასთან, ერდოღანის განცხადებას გამოეხმაურა ევროპული პარლამენტის პრეზიდენტი დევიდ სასოლი:

"ათი ელჩის გაძევება თურქეთის ხელისუფლების ავტორიტარული მიდრეკილების ნიშანია. ჩვენ ვერ შეგვაშინებთ. თავისუფლება ოსმან კავალას,"-წერს "ტვიტერზე" სასოლი. 
ათი ქვეყნის ელჩებმა, რამდენიმე დღის წინ გააკეთეს ერთობლივი განცხადება, რომელშიც ისინი ბიზნესმენისა და ფილანტროპის, ოსმან კავალას დაუყოვნებლივ გათავისუფლებას ითხოვდნენ.

ბიზნესმენი ოსმან კავალა თურქეთში ოთხი წლის წინ დააკავეს და მას თავდაპირველად ბრალად ედებოდა 2013 წლის გეზის პარკის გამო გამართულ პროტესტებთან და შემდგომ არეულობებთან კავშირი. გასულ წელს მას 2013 წლის მოვლენებთან დაკავშირებული ბრალდებები მოუხსნეს, თუმცა წელს ეს გადაწყვეტილება გაუქმდა და დაკავებულის წინააღმდეგ დაემატა ახალი საქმე, რომელიც 2016 წლის სახელმწიფო გადატრიალების მცდელობას უკავშირდება.
ოსმან კავალა, რომელიც ადამიანის უფლებადამცველ ორგანიზაციებს აფინანსებდა, 2017 წლის ნოემბერში დააკავეს და მას ბრალად წაუყენეს 2013 წელს ე.წ. გეზის პარკის დემონსტრაციაში მონაწილეობა და ორგანიზება. 2 წლიანი პატიმრობის შემდეგ ის გაათავისუფლეს, თუმცა, იმავე დღესვე შეაბრუნეს საპატიმროში, ამჯერად, 2016 წლის გადატრიალების მცდელობაში მონაწილეობის ბრალდებით. 

ავტორი: ექსპრესნიუსი,

სოციალური ქსელები

ევროკავშირმა ეუთოს თავმჯდომარეობაზე საქართველოს კანდიდატურის წინააღმდეგ გამოვიდა

თიბისი მომხმარებლებს საქართველოს დიდი ქალაქების საზოგადოებრივ ტრანსპორტში 50%-იან ქეშბექს სთავაზობს

მცხეთაში იარაღის სამალავის საქმეზე დაკავებულს საპროცესო გარიგება გაუფორმეს

აქციების დროს დაკავებულების ოჯახის წევრები „საზოგადოებრივ მაუწყებელთან“ აქციას მართავენ