თურქეთის პრეზიდენტი რეჯეფ თაიფ ერდოღანი აშშ-ს, გერმანიისა და დასავლეთის რვა სხვა ქვეყნის ელჩს ქვეყნიდან განდევნით დაემუქრა, მას შემდეგ რაც მათ ერთობლივი განცხადება გაავრცელეს დაპატიმრებული სამოქალაქო აქტივისტის მხარდასაჭერად.

რეჯეფ თაიფ ერდოღანის განცხადებით, საგარეო საქმეთა მინისტრს მისცა ინსტრუქცია, რაც შეიძლება სწრაფად გამოაცხადოს „პერსონა ნონ გრატად“ იმ 10 ქვეყნის ელჩები, რომლებმაც თურქი აქტივისტის, ოსმან კავალას გათავისუფლება მოითხოვეს. აღნიშნულ ელჩებს შორის, თურქეთში აშშ-ის, საფრანგეთისა და გერმანიის მისიების ხელმძღვანელებიც არიან.
"მე საგარეო საქმეთა მინისტრს მივეცი მითითება, რომ დაუყოვნებლივ მიიღოს ზომები ამ 10 ელჩის პერსონა ნონ გრატად გამოცხადებასთან დაკავშირებით. ამით ისინი გაიცნობენ, გაიგებენ და შეიცნობენ თურქეთს. ვისაც თურქეთის არ ესმის და ვერ უგებს, ერთ დღესაც დატოვებენ აქაურობას," - განაცხადა თურქეთის პრეზიდენტმა.
10 ქვეყნის ელჩებმა, რამდენიმე დღის წინ გააკეთეს ერთობლივი განცხადება, რომელშიც ისინი ბიზნესმენისა და ფილანტროპის, ოსმან კავალას დაუყოვნებლივ გათავისუფლებას ითხოვდნენ.
ბიზნესმენი ოსმან კავალა თურქეთში ოთხი წლის წინ დააკავეს და მას თავდაპირველად ბრალად ედებოდა 2013 წლის გეზის პარკის გამო გამართულ პროტესტებთან და შემდგომ არეულობებთან კავშირი. 

ავტორი: ექსპრესნიუსი,

სოციალური ქსელები

ევროკავშირმა ეუთოს თავმჯდომარეობაზე საქართველოს კანდიდატურის წინააღმდეგ გამოვიდა

თიბისი მომხმარებლებს საქართველოს დიდი ქალაქების საზოგადოებრივ ტრანსპორტში 50%-იან ქეშბექს სთავაზობს

მცხეთაში იარაღის სამალავის საქმეზე დაკავებულს საპროცესო გარიგება გაუფორმეს

აქციების დროს დაკავებულების ოჯახის წევრები „საზოგადოებრივ მაუწყებელთან“ აქციას მართავენ