მოსკოვი მოუწოდებს “თალიბანს“  შექმნან ინკლუზიური მთავრობა და  არ გამოიყენოს ავღანეთის ტერიტორია მესამე ქვეყნების წინააღმდეგ, პირველ რიგში ცენტრალური აზიის მეზობელი ქვეყნების წინააღმდეგ.- „TASS”-  ინფორმაციით, ამის შესახებ საგარეო საქმეთა მინისტრმა სერგეი ლავროვმა დღეს, ავღანეთის საკითხზე ე.წ. მოსკოვის ფორმატის სხდომის გახსნაზე განაცხადა.

"ჩვენ მოვუწოდებთ "თალიბანის" მოძრაობას მკაცრად დაიცვას ის ხაზი,  და არ  გამოიყენოს ავღანეთის ტერიტორია მესამე ქვეყნების ინტერესების საწინააღმდეგოდ, პირველ რიგში ავღანეთის უშუალო მეზობლების - ცენტრალური აზიის ქვეყნების წინააღმდეგ.“-განაცხადა ლავროვმა.

ამავე დროს, რუსეთის ხელისუფლება აღნიშნავს ავღანეთის ახალი ადმინისტრაციის ძალისხმევას ქვეყანაში სამხედრო-პოლიტიკური სიტუაციის სტაბილიზაციისათვის.

 ლავროვის თქმით, ავღანეთში მდგრადი მშვიდობის მიღწევის ამოცანა კვლავ აქტუალურია.

 ”ჩვენ ვხედავთ მის ("თალიბანის") მომავალ  წარმატებულ გადაწყვეტას, უპირველეს ყოვლისა, ჭეშმარიტად ინკლუზიური მთავრობის ფორმირებაში, რომელიც სრულად უნდა ასახავდეს ყველას ინტერესებს. არა მხოლოდ ეთნიკური, არამედ ქვეყნის პოლიტიკური ძალებითაც . ამგვარად ნაჩვენები წინდახედულობა, იქნება გაკვეთილი მათთვის, ვინც მსხვერპლად სწირავს ეროვნულ ინტერესებს პირადი ამბიციების დაკმაყოფილების მიზნით და ასევე წინასწარ განსაზღვრავს ქვეყნის პროგრესულ განვითარებას.- განაცხადა  ლავროვმა.

რუსეთის საგარეო საქმეთა მინისტრმა დასძინა, რომ ავღანეთში ჩამოყალიბებული ძალების ახალ ბალანსს ახლო მომავალში ალტერნატივა არ აქვს.

 შეგახსებევთ, რომ მოსკოვში მიმდინარე შეხვედრას, რომელზედაც ავღანეთის საკითხს განიხილავენ, 10 ქვეყნის წარმომადგენლები და „თალიბანის“ დელეგაცია ესწრებიან, რომელსაც ავღანეთის ვიცე-პრემიერი აბდულ სალამ ჰანაფი ხელმძღვანელობს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია