გიორგი ანწუხელიძის სახელობის სერჟანტთა მომზადების ცენტრში სერჟანტთა  ათეულის მეთაურის ძირითადი სასწავლო კურსი დაიწყო.

თავდაცვის სამინისტროს ინფორმაციით, 119 მსმენელი 12 კვირის განმავლობაში გადამზადებას ორ ფაზად გაივლის.

სწავლების პირველი ნაწილი ინსტრუქტორულ საცეცხლე და სამწყობრო მომზადებას ითვალისწინებს. კურსის მეორე ნაწილი კი სამეთაურო მომზადებასა და ათეულის დონეზე საბრძოლო ვარჯიშებს დაეთმობა.

ახალი კურსის დაწყება მსმენელებს გენერალური შტაბის უფროსმა, გენერალ-მაიორმა ვახტანგ კაპანაძემ მიულოცა. გენერალ-მაიორმა კურსანტებს კარიერული წინსვლა და კურსის წარმატებით დასრულება უსურვა.

ათეულის მეთაურის ძირითადი სასწავლო კურსის პარალელურად   სამეთაურო საშტაბო სწავლება მიმდინარეობს. 32 მსმენელი 17 კვირის განმავლობაში ქვედანაყოფის მართვის და სამხედრო გადაწყვეტილების მიღების პროცედურებს,  ასევე ტაქტიკურ და საბრძოლო მომზადების ორგანიზებას შეისწავლის.

მომზადება დაბა კოჯორში, სერჟანტთა მომზადების ცენტრის ბაზაზე მიმდინარეობს. კურსების დასრულების შემდგომ მსმენელებს შესაბამისი სერტიფიკატები გადაეცემათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს