2021-09-06 20:07:41, 6867 ნახვა
კულტურა
88 წლის ასაკში მსახიობი ჟან-პოლ ბელმონდო გარდაიცვალა
88 წლის ასაკში ფრანგი მსახიობი ჟან-პოლ ბელმონდო გარდაიცვალა. ინფორმაციას მსახიობის ადვოკატი ადასტურებს.
ბელმონდო ფრანგული ახალი ტალღის ერთ-ერთი ყველაზე პოპულარული მსახიობია. ნამუშევარი აქვს ისეთ რეჟისორებთან, როგორებიც არიან ჟან-ლუკ გოდარი, კლოდ შაბროლი, ვიტორიო დე სიკა, რენე კლემენტი, კლოდ ლელუში და სხვები.
ხანგრძლივი კარიერის განმავლობაში მიღებული აქვს ფრანგული აკადემიის ჯილდო სეზარი, საპატიო ოქროს ლომი ვენეციის კინოფესტივალზე. არის საფრანგეთის საპატიო ლეგიონის კავალერი.
ავტორი: ექსპრესნიუსი,
epn.ge (@expressnews.ge)
