ის, რაც გუშინ ვიხილეთ იყო სამარცხვინო, რაც ჩვენ ქვეყანას არ ეკადრება, - ამის შესახებ პარლამენტის თავმჯდომარემ, კახა კუჭავამ ბიუროს დღევანდელ სხდომაზე განაცხადა, რითაც თბილისში გუშინ განვითარებულ მოვლენებს გამოეხმაურა.

მისი თქმით, გუშინდელ ქმედებებს გამართლება არ აქვს და უნდა დაისაჯოს ყველა, ვინც ძალადობაში მონაწილეობდა.

„ის, რაც ჩვენ გუშინ ვიხილეთ ეს იყო სამარცხვინო, ის რაც ჩვენ ქვეყანას არ ეკადრება, ქმედებები, რასაც არ შეიძლება გამართლება ჰქონდეს, არანაირი „მაგრამ“. არ შეიძლება გამართლებული იყოს ის, რაც ჩვენ გუშინ ვიხილეთ და აუცილებლად დასაგმობია ყველას მხრიდან. ჩვენ ისტორიულად ქვეყანას  გვაერთიანებს სიყვარული და რელიგია, რომელიც მოგვიწოდებს მხოლოდ ერთმანეთის პატივისცემას. რაც გუშინ ვიხილეთ  რელიგიის სახელით განხორცილებული ეს ქმედებები უბრალოდ მიუღებელია! მართლა არ მესმის, ათ-ათი კაცი ერთს რომ დასდევს, ამას კაცობა ჰქვია ან ვაჟკაცობაში თვლიან, თუ ვისი სახელით აკეთებენ ამას?!

განსაკუთრებით მიუღებელია, როცა თავდასხმა ჟურნალისტებზე და ოპერატორებზე ხდება, როცა ისინი თავის საქმეს აკეთებენ. არავის აქვს უფლება და არც უნდა მიეცეს არავის საშუალება რომ შეაფერხონ მათი საქმიანობა. ჩვენ ქვეყანაში მსგავს სიძულვილის ადგილი არა აქვს. ტურისტიც კი დაზარალდა, არის დაჭრილი. ჩვეულებრივ მოქალაქეებს დასდევდნენ ქუჩაში. ხვალ ამ ადამიანების შვილები შეიძლება იყვნენ ჟურნალისტები და ოპერატორები და მათ შვილებზე ასეთი ქმედება უნდა გაამართლონ?! ერთადერთი გამოსავალი არის მკაცრი რეაგირება, ყველა იმ ადამიანის იდენტიფიცირება, ვინც ამ ძალადობაში იღებდა მონაწილებას და მკაცრი რეაგირება, უნდა დაისაჯოს ყველა“, - განაცხადა კახა კუჭავამ.

შეგახსენებთ, რომ გუშინ, 5 ივლისს რუსთაველის გამზირზე „თბილისი პრაიდის“ მოწინააღმდეგეებმა ჟურნალისტებსა და ოპერატორებზე ძალადობრივი ქმედებები განახორციელეს, რომლის შედეგად დაშავდა მედიის 55-მდე წარმომადგენელი. შინაგან საქმეთა სამინისტრომ მომხდარზე 11 პირი დააკავა.

ავტორი: ექსპრესნიუსი,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო