„ქართული ოცნების“ ერთ-ერთი რიგითი მხარდამჭერი ვარ“, - ამის შესახებ ტელეკომპანია „რუსთავი 2“-ის ეთერში თბილისის ინფექციური საავადმყოფოს დირექტორმა, თენგიზ ცერცვაძემ განაცხადა.

მან ასევე აღნიშნა, რომ ის კახა კალაძეს არჩევნებზე მხარს დაუჭერს.

„მე ხშირად მსაყვედურობენ, რომ პოლიტიკაში ჩართული  ვარ. როცა ვეკითხები - რატომ, მე ადამიანი არ ვარ და არშემიძლია, ჩემი გემოვნება, სიმპათიები მქონდეს, მპასუხობენ არა, შენ ექიმი ხარ და ვალდებული ხარ, იყო ნეიტრალური და აპოლიტიკური.

ერთი გამაგებინეთ, თუ სხვა ასობით და ათასეულობით ექიმი არის სხვა რომელიმე ძალის მხარდამჭერი, ეს ნეიტრალიტეტი მარტო ჩემზე უნდა გვარცელდეს? რატომ? ჩემზე არანაკლებ ცნობილი ექიმი, ბატონი კალოიანი არამარტო მხარდამჭერია, არამედ „ევროპული საქართველოს“ სიით მაჟორიტარად კენჭი იყარა ბათუმში და ხმების 3% მიიღო.

ჩემგან იგივე ბატონი კალოიანი ითხოვს, რომ მე ვიყო აბსოლუტურად ნეიტრალური.

მე ვარ ოცნების მხარდამჭერი, მაგრამ მე ვარ „ქართული ოცნების“ ერთ-ერთი რიგითი მხარდამჭერი და არა აქტიურად ჩართული პოლიტიკურ პროცესებში.

მერის თანამდებობაზე თუ იქნა კალაძე წარდგენილი, მე, ჯერ ერთი მხარს დავუჭერდი ოცნების კანდიდატს ვინც არ უნდა ყოფილიყო, მაგრამ კალაძეს დიდი სიამოვნებით დავუჭერ მხარს იმიტომ, რომ ღრმად ვარ დარწმუნებული, ისევ ხვალ ამაზე შეიძლება ატყდეს დავა და გამაკრიტიკონ, არ ჰყოლია ქალაქს კალაძეზე უკეთესი მერი, მე არ მახსოვს“, - განაცხადა თენგიზ ცერცვაძემ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს