როგორც ერთ, ასევე მეორე მხარეს აქვს სიტყვის გამოხატვის თავისუფლება, მოვუწოდებთ, არ გასცდნენ ჩარჩოებს, - ამის შესახებ საპატრულო პოლიციის უფროსმა, ვაჟა სირაძემ „თბილისი პრაიდის“ კვირეულის გახსნის პარალელურად მიმდინარე კონტრაქციაზე საუბრისას განაცხადა.

მისი თქმით, ნებისმიერი სამართალდამცველის შეურაცხყოფისა და თავდასხმის ფაქტი, კანონით მკაცრად იქნება დასჯილი.

„შინაგან საქმეთა სამინისტრომ გააკეთა განცხადება და კიდევ ერთხელ აღვნიშნავთ, რომ ადგილზე ვახუშტის ხიდის მიმდებარე ტერიტორიაზე მობილიზებულია სამართალდამცავი ორგანოების წარმომადგენლები, რომლებიც იცავენ საზოგადოებრივ წესრიგს და მართლწესრიგს. კიდევ ერთხელ მოვუწოდებთ ყველას, დაემორჩილონ პოლიციის კანონიერ მოთხოვნას, არ დაარღვიონ კანონი, ყველას აქვს სიტყვის და გამოხატვის უფლება, როგორც ერთ, ასევე მეორე მხარე. ასევე კიდევ ერთხელ მოვუწოდებთ, არ გასცდნენ კანონის დაცვისა და სიტყვისა და გამოხატვის თავისუფლების ჩარჩოებს და თავიანთი პროტესტი გამოხატონ მშვიდ ვითარებაში. ნებისმიერი ფაქტი, სამართალდამცველზე თავდასხმის ან შეურაცხყოფის, მკაცრად იქნება დასჯილი. კიდევ ერთხელ მოვუწოდებ ყველას, იმოქმედონ კანონის შესაბამისად, თავიანთ უფლებები გამოხატონ კანონის ჩარჩოებში“, - განაცხადა ვაჟა სირაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს