არ მიმაჩნია მიზანშეწონილად ამის გაკეთება, - ამის შესახებ თბილისის მერმა, კახა კალაძემ პრაიდის კვირეულის ჩატარებასთან დაკავშირებით ჟურნალისტებს განუცხადა.

როგორც მან აღნიშნა, ქვეყანაში გამოხატვის თავისუფლება დაცულია.

„გამოხატვის თავისუფლება ამ ქვეყანაში დაცულია. ჩვენ წლების წინ მნიშვნელოვანი კანონი მივიღეთ, სადაც ყველა არის თანასწორუფლებიანი და ყველას აქვს გამოხატვის შესაძლებლობა. რაც შეეხება ზოგადად პრაიდის კვირეულს, მე არ მიმაჩნია მიზანშეწონილად ამის გაკეთება, იმიტომ, რომ არსებობს კონკრეტული ადამიანები, კონკრეტული ჯგუფები, რომლებმაც შეიძლება ეს არასწორად გამოიყენონ როგორც ერთი მხრიდან, ასევე მეორე მხრიდან. გამოხატვის თავისუფლება ქვეყანაში დაცულია, ვერ მოიყვანთ ვერც ერთ ფაქტს და შემთხვევას, რომ ადამიანებს გამოხატვის თავისუფლება ეზღუდებოდეთ“, - განაცხადა კახა კალაძემ.

შეგახსენებთ, რომ 1-5 ივლისის თბილისში პრაიდის კვირეული გაიმართება. ამასთან, 5 ივლისს დაგეგმილია „ღირსების მარში“.

ავტორი: ექსპრესნიუსი,

სოციალური ქსელები

აქტივისტი ნანა სანდერი: მე ფიზიკური და ფსიქოლოგიური წამების მსხვერპლი ვარ

სახელმწიფო აუდიტის სამსახური თბილისის პოლიტიკური სწავლების სკოლის აუდიტს ჩაატარებს

თიბისის მდგრადი განვითარების ღონისძიება - „მდგრადი ტრანსფორმაცია: ხელოვნური ინტელექტი, ტექნოლოგიები, ბიზნესი და ზეგავლენა“

საქართველოდან ირანის მიმართულებით უპრეცედენტო რაოდენობის ავტომობილის ექსპორტი განხორციელდა