2021-05-25 16:17:08, 1025 ნახვა
მსოფლიო
ალექსეი ნავალნის წინააღმდეგ სამი ახალი სისხლისსამართლებრივი გამოძიება დაიწყო
რუსი ოპოზიციონერი ალექსეი ნავალნის წინააღმდეგ, რუსეთმა სამი ახალი სისხლისსამართლებრივი გამოძიება დაიწყო.
აღნიშნულ ინფორმაციას ციხეში მყოფი ოპოზიციონერი თავად ავრცელებს და აცხადებს, რომ ახალი სისხლის სამართლის საქმეების შესახებ მას გამომძიებელმა ციხეში აცნობა.
„მე ყოველდღიურად უფრო სერიოზული კრიმინალი და დამნაშავე ვხდები, ასე რომ, ნუ იფიქრებთ, რომ უბრალო საკანში ვზივარ, ჩაის ვსვამ და არაფერს ვაკეთებ“, - წერს რუსი ოპოზიციონერი.
ალექსეი ნავალნი აცხადებს, რომ გამომძიებლები იძიებდნენ მისი ანტიკორუფციული ფონდიდან შემოწირულობების მოპარვას, ადამიანის უფლებათა დამრღვევი ფონდის დაარსებას და მოსამართლის შეურაცხყოფას.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
