2021-05-09 12:17:05, 816 ნახვა

---

აშშ-ის საზღვაო ძალებმა არაბეთის ზღვაში დააკავეს გემი, რომელზე დიდი რაოდენობით რუსული და ჩინური წარმოების იარაღი ინახებოდა

აშშ-ის საზღვაო ძალებმა არაბეთის ზღვაში დააკავეს გემი, რომელზე დიდი რაოდენობით რუსული და ჩინური წარმოების იარაღი ინახებოდა, - აღნიშნულის შესახებ ინფორმაციას, „დოიჩე ველე“ ავრცელებს.

როგორც სააგენტო იუწყება, არაბეთის ზღვის ჩრდილოეთ ნაწილში ხსენებული გემი საიდენტიფიკაციო ნიშნების გარეშე მოძრაობდა.

ჩხრეკის შედეგად, გემიდან ჩინური წარმოების ათასობით ავტომატი და რუსული წარმოების ანტი-სატანკო რაკეტები, ასობით ტყვიამფრქვევი, სნაიპერული შაშხანები, ყუმბარმტყორცნები და ოპტიკური სამიზნეები ამოიღეს.

გემის ეკიპაჟი დაკითხვის შემდეგ გაუშვეს. ამჟამად ექსპერტები არკვევენ, თუ საიდან იყო გამოგზავნილი და ვისთვის იყო განკუთვნილი რუსული და ჩინური წარმოების იარაღი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი