ევროკომისიის ვიცე-პრეზიდენტის, ვერა იუროვას განცხადებით, რუსეთის რეჟიმის მიზანი ევროპაში განეთქილება და უნდობლობის დათესვაა.

ამის შესახებ მან გამოცემა „პოლიტიკოსთან“ ინტერვიუში განაცხადა.

„ახლა უკვე საკმარისი მტკიცებულებები არსებობს, რათა ყველამ გააცნობიეროს, რომ პუტინის რუსეთი არ არის სტანდარტული საერთაშორისო პარტნიორი.

ჩვენ უნდა ვიყოთ სისტემატიურები და მტკიცეები. არ ვფიქრობ, რომ კრემლის ამჟამინდელი რეჟიმი გაიგებს დიპლომატიის ენას, სანამ რუსეთი მნიშვნელოვანი ფინანსური შედეგების წინაშე არ დადგება“, - განაცხადა იუროვამ.

როგორც მან აღნიშნა, ევროკავშირის მთავრობებმა უნდა გააცნობიერონ, რომ „დღევანდელ რუსეთში ყველაფერი უკავშირდება რეჟიმს და არ არსებობს მხოლოდ ეკონომიკური პროექტები“.

მისი თქმით, ყველაფერი პოლიტიკურია და ევროკავშირის მხრიდან გაკეთებულ განცხადებებს უნდა მოჰყვეს კონკრეტული მოქმედებები, რომლებსაც რეჟიმზე გავლენა ექნება.

ცნობისთვის, რუსეთმა გასულ კვირას რამდენიმე ევროპელ მაღალჩინოსანს სანქციები დაუწესა. მათ შორისაა ევროკომისარი ვერა იუროვა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა