საერთაშორისო რესპუბლიკური ინსტიტუტის (IRI) მიერ გამოქვეყნებული ახალი საოგადოებრივი აზრის კვლევის მიხედვით, შემდეგ კვირას რომ ქვეყანაში არჩევნები ტარდებოდეს, გამოკითხულთა 35% „ქართულ ოცნებას", 18% ბლოკ „ერთიანი ნაციონალური მოძრაობა - ძალა ერთობაშიას" დაუჭერდა.

ამავე კვლევის თანახმად, „ევროპულ საქართველოს" გამოკითხული მოსახლების 3% დაუჭერდა მხარს.

სხვა პარტიების შესახებ მონაცემები შემდეგია: 

სტრატეგია აღმაშენებელი – 3%

გირჩი - ზურა ჯაფარიძე – 2%

პატრიოტთა ალიანსი – 2%

ლეიბორისტული პარტია – 2%

მოქალაქეები – 2%

ლელო – 1%

სხვა პარტიები – 1%

არცერთი – 10%

არ ვიცი/უარი პასუხზე – 15%

ცნობისთვის, კვლევა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ ჩატარდა. საანგარიშო პერიოდი 2021 წლის 2-26 თებერვლია.

საველე სამუშაოები „IPM“ მიერ ჩატარდა. მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი - 75 პროცენტი.

კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს

საქართველოში 90 ადამიანი პოლიტიკური პატიმარია