2021-03-16 13:11:54, 724 ნახვა
კომენტარი
თენგიზ ცერცვაძე - მოსახლეობა, რომელიც თავს იკავებს ვაქცინის გაკეთებისგან, დარტყმას აყენებს ეკონომიკას
მოსახლეობა, რომელიც თავს იკავებს ვაქცინის გაკეთებისგან, დარტყმის ქვეშ აყენებს ქვეყნის ეკონომიკას, - ამის შესახებ ინფექციური საავადმყოფოს დირექტორმა, თენგიზ ცერცვაძემ ჟურნალისტებთან საუბრისას განაცხადა.
თენგიზ ცერცვაძემ იმედი გამოთქვა, რომ მოსახლეობის უმეტესი ნაწილი არ წამოეგება ანტივაქსერულ პროვოკაციას და გაიკეთებს კოვიდ19-ის საწინააღმდეგო ვაქცინას.
„იმედი მაქვს, რომ მოსახლეობის უმეტესობა არ წამოეგება ანტივაქსერულ პროვოკაციას, არ დააყენებს საფრთხის ქვეშ საკუთარ ჯანმრთელობას. მინდა ვუთხრა მოსახლეობას, რომელიც თავს იკავებს ვაქცინის გაკეთებისგან, დღეს ვაქცინაზე უარის თქმა, დარტყმის ქვეშ აყენებს ქვეყნის ეკონომიკას და არა მარტო ჯანმრთელობას“, - განაცხადა თენგიზ ცერცვაძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
