2021-03-11 16:08:52, 613 ნახვა
კომენტარი
სოზარ სუბარი - „ტვ პირველში“ შეჭრასთან დაკავშირებით გავრცელებული ინფორმაცია, ტემპერატურის აწევის მცდელობაა
„„ტვ. პირველში“ შეჭრასთან დაკავშირებით გავრცელებული ინფორმაცია, ტემპერატურის აწევის მცდელობაა“, - ამის შესახებ „ქართული ოცნების“ დეპუტატმა, სოზარ სუბარმა განაცხადა.
სუბარის თქმით, აღნიშნულთან დაკავშირებით საუბარი ოპოზიციის მიერ მოლაპარაკებების ჩაშლის ახალი გეგმაა.
„კითხვა უკვე არის ფაქტის რეკონსტრუირება და ფალსიფიცირება, იმიტომ რომ არანაირ შეჭრაზე ლაპარაკი აქ არ არის, ეს არის უბრალოდ ტყუილი, გამოგონილი, რაღაცა მორიგი ტემპერატურის აწევის მცდელობა. მე წეღან ვთქვი, რომ ოპოზიცია, ეცდება ახლა გამოაგოროს ახალი თემა, რომლითაც ეცდებიან მოლაპარაკებების ჩაშლას. სახალხო დამცველი არის კანონის უზენაესობის ქურუმი და ის ყოველთვის უნდა იდგეს კანონის სადარაჯოზე“, - განაცხადა სოზარ სუბარმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
