თავდაცვის ინსტიტუციური აღმშენებლობის სკოლას (DIBS) პარლამენტის თავდაცვისა და უშიშროების კომიტეტისა და ნდობის ჯგუფის წევრები ეწვივნენ.

დეპუტატებს თავდაცვის მინისტრის მოადგილემ, რატი ბრეგაძემ და სკოლის დირექტორმა, თეა ნიკოლაშვილმა DIBS-ის საქმიანობის შესახებ დეტალური ინფორმაცია მიაწოდეს.

რატი ბრეგაძემ ყურადღება განხორციელებულ მნიშვნელოვან პროექტებსა და სამომავლო პრიორიტეტებზე გაამახვილა.

თეა ნიკოლაშვილმა სპეციალურად გამართულ პრეზენტაციაზე სტუმრებს სკოლის ისტორია, ამოცანები, საქმიანობის ძირითადი მიმართულებები გააცნო, რაც თავდაცვისა და უსაფრთხოების სექტორის ეფექტიანი მართვის მხარდაჭერას, ამ კუთხით ცნობიერების ამაღლებას, უწყებათაშორისი თანამშრომლობის გაღრმავებას, ასევე, საერთაშორისო კავშირების განმტკიცებას უკავშირდება. თავდაცვის უწყებისა და თავდაცვისა და უშიშროების კომიტეტის წარმომადგენლებმა მჭიდრო თანამშრომლობისა და მომავალში ერთობლივი ღონისძიებების განხორციელების იმედი გამოთქვეს.

თავდაცვის ინსტიტუციური აღმშენებლობის სკოლა 2016 წლის 28 ივნისს პროფესიული განვითარების ცენტრის ბაზაზე ჩამოყალიბდა. სკოლა ნატო-საქართველოს არსებითი პაკეტის ერთ-ერთი უმნიშვნელოვანესი პროექტია, რომელიც საქართველოში მოვლენილ ნატოს ექსპერტთა ჯგუფის აქტიური მხარდაჭერით ხორციელდება. 2016-2020 წლებში სკოლაში 232 ღონისძიება გაიმართა, რომელშიც მონაწილეობა 5505 ადამიანმა მიიღო. სკოლის მიზანს ახლო მომავალში ნატოს აკრედიტირებულ ინსტიტუტად პოზიციონირება, მისი რეგიონული დონის ცოდნის ცენტრად ტრანსფორმაცია და ინფრასტრუქტურის განვითარება წარმოადგენს.

ავტორი: NS (სტატია დაფინანსებულია),

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით