2015-10-07 11:05:44, 717 ნახვა

---

ნარმანია: მოწყვლადი ჯგუფები, რომელთა სარეიტინგო ქულა 70 ათასს არ აღემატება, ოქტომბრიდან კორექტირებული ელექტროენერგიის ტარიფს მიიღებენ

თბილისის მერის დავით ნარმანიას განცხადებით, მოწყვლადი ჯგუფები, რომელთა სარეიტინგო ქულა 70 000 ერთეულს არ აღემატება, ოქტომბრის თვიდან  კორექტირებული ელექტროენერგიის ტარიფის ღირებულებას მიიღებენ.

ამის შესახებ ნარმანიამ დედაქალაქის მთავრობის სხდომაზე განაცხადა.

"როგორც იცით, ისევე როგორც დედაქალაში, ასევე საქართველოს რეგიონებში გაიზარდა ელექტროენერგიაზე ტარიფი. მოხდა მისი კორექტირება, შესაბამისად, ჩვენ მივიღეთ გადაწყვეტილება, რომ მოწყვლადი ჯგუფები, რომელთა სარეიტინგო ქულა არ აღემატება 70 000 ერთეულს, მათ გარდა იმისა, რომ 2015 წლის იანვრიდან კომუნალური ვაუჩერის ღირებულება გაუორმაგდათ, ისინი ოქტომბრის თვიდან მიიღებენ ასევე კორექტირებული ელექტროენერგიის ტარიფის ღირებულებას, ხოლო რაც შეეხება სხვა ჯგუფებს, ისინი ჩვეულებრივ მიიღებენ იმ სუბსიდიას,  შესაბამისად თვეში 20 ლარის ოდენობით, რასაც  ისინი თბილისის მთავრობის მიერ დადგენილი წესის საფუძველზე იღებდნენ", - განაცხადა დავით ნარმანიამ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი