გაერთიანდით, სანამ გვიანი არ არის, მერე ქუჩებშიერთი ქვეყნის ტანკებს დაინახავთ და გვიანი იქნება, - ასე მიმართა ლიეტუვის პარლამენტის საგარეო ურთიერთობათა კომიტეტის თავმჯდომარე ჟიგიმანტის პავილიონისმა საქართველოს ხელისუფლებასა და ოპოზიციას.

მისი თქმით, საქართველოში ოპოზიცია და ხელისუფლება ერთმანეთს ეჩხუბება, რაც საუკეთესო საჩუქარია ვლადიმერ პუტინისთვის და რუსეთისთვის.

მანვე დასძინა, რომ იმედოვნებს, ყველა მხარე მზად იქნება, როგორც ოპოზიცია, ასევე ხელისუფლება მოლაპარაკებების მაგიდასთან დასხდომისთვის.

„ჯერ ყველა მხარეს უნდა შევხვდე, პროცესი არ დამთავრებულა, იმედი მაქვს, რომ ბევრ მეგობარს დაველაპარაკები სხვადასხვა კუთხით და ალბათ ხვალ შევძლებ საბოლოოდ ყველაფრის თქმას. მიმაჩნია, რომ ყველაფერი თქვენს ხელთაა. თქვენს პრობლემებს თუ შევადარებთ გეოპოლიტიკურ გამოწვევებს ყველაფერი მარტივად გამოჩნდება, შესაძლოა ყველაფერი დაკაროთ, ასე რომ ან ლიეტუვის გზით მიდიხართ, ან ბელარუსის გზით, არჩევანი თქვენზეა. თუ ლიეტუვის გზით გინდათ წასვლა გაერთიანდით, სანამ გვიანი არ არის. მერე, როცა ქუჩაში ერთი ქვეყნის ტანკებს დაინახავთ, გვიანი იქნება. პრობლემა ის არის, რომ დღეს რუსეთს ტანკები საერთოდ არ სჭირდება, თქვენ თავად ჩხუბობთ ერთმანეთში და ეს არის საუკეთესო საჩუქარი, რომელსაც პუტინს აძლევთ. ახლა მთავარია დავიწყოთ ხიდების შენება, ვიცი, რომ „ქართული ოცნება“ მზად არის ამისთვის და იმედია, მეორე მხარეც ამისთვის მზად იქნება“, - განაცხადა ჟიგიმანტას პავილიონისმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით