ბიძინა ივანიშვილს ქვეყანაში მეორედმოსვლების ტრადიცია აქვს, - ასე აფასებს „ნაციონალური მოძრაობის“ წევრი ზაალ უდუმაშვილი „ქართული ოცნების“ მიერ პრემიერ-მინისტრობის კანდიდატად ირაკლი ღარიბაშვილის დასახელებას.

მისი თქმით, ღარიბაშვილს პრემიერ-მინისტრობის თანამდებობაზე ყოფნის დროს არაფერი გაუკეთებია.

„მეორედმოსვლების ტრადიცია აქვს ბიძინა ივანიშვილს ქვეყანაში. ჯერ თავის თავზე გაიარა ეს ყველაფერი, ახლა ღარიბაშვილის მეორედ მოსვლაა მთავრობაში, ამით არაფერი იცვლება. კარგად გვახსოვს მისი პრემიერ-მინისტრობის პერიოდი, რა გააკეთა? არც არაფერი. პრემიერის კანდიდატებზე კი არ უნდა ფიქრობდეს ვინ იქნება, უნდა ფიქრობდეს ახალ არჩევნებზე, რომ ერთხელ და სამუდამოდ ქვეყანა შეიცვალოს და ჩვენ დავუბრუნდეთ იმ განვითარების გზას, რომელიც ამ ქვეყანას წინ წაიყვანს“, - განაცხადა ზაალ უდუმაშვილმა.

ცნობისთვის, „ქართულმა ოცნებამ“ პრემიერ-მინისტრობის კანდიდატად ირაკლი ღარიბაშვილი დაასახელა. აღნიშნულ თანამდებობაზე ღარიბაშვილის კანდიდატურის დასახელება მას შემდეგ გახდა საჭირო, რაც გიორგი გახარიამ პრემიერ-მინისტრის პოსტიდან  გადადგომის შესახებ განაცხადა.

ავტორი: ექსპრესნიუსი,

სოციალური ქსელები

პროკურატურამ ვაკეში ჩხუბის მონაწილეებს ბრალი წაუყენა, მათ 5 წლამდე პატიმრობა ემუქრებათ

ვალუტის გაუმჯობესებული კურსი — საქართველოს ბანკის მობილბანკსა და ინტერნეტბანკში

Bloomberg: ბრაზილია აშშ-ს მსგავსად უარს ამბობს ტრამპ-პუტინის შეთანხმების ფარგლებში რუსული დიზელის შეძენაზე

არ გაჩერდე - საქართველოს ბანკის ფილოსოფია