2021-02-18 13:36:18, 398 ნახვა
პოლიტიკა
სოზარ სუბარი - გიორგი გახარიას გადადგომა მოულოდნელი იყო, ისიც კი ვერ გავიგე, რატომ გადადგა
„ქართული ოცნების“ წევრი, სოზარ სუბარი აცხადებს, რომ მისთვის გიორგი გახარიას თანამდებობიდან გადადგომა მოულოდნელი იყო.
როგორც სუბარი ამბობს, ისიც კი ვერ გაიგო, რატომ დატოვა პრემიერმა დაკავებული თანამდებობა.
„პირადად ჩემთვის ძალიან მოულოდნელი იყო გიორგი გახარიას გადადგომა და ძალიან არასასიამოვნოა. ის რაც ხდებოდა, იყო კანონიერების ჩარჩოში და პოლიციამ იცოდა ზუსტად, როგორ უნდა ემოქმედა აქ პროცესის ხელოვნურად დაჩქარებაზე ან შენელებაზე არ იყო და არც უნდა ყოფილიყო საუბარი. შეიკრიბება საბჭო, პრემიერობის ახალ კანდიდატზე ვიმსჯელებთ და ვადებში მოხდება ყველაფრის განხორციელება. რატომ გადადგა, სიმართლე გითხრათ, ისიც კი ვერ გავიგე, იმის გარდა, რაც მან თქვა“, - განაცხადა სოზარ სუბარმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
