2021-02-16 19:58:38, 541 ნახვა

---

რომან გოცირიძე - თუ ხელისუფლება ვა-ბანკზე წავა, ოპოზიციიის მხრიდან საპასუხოდ ძალიან ძლიერ დარტყმას მიიღებს

„თუ ხელისუფლება ვა-ბანკზე წავა, მიიღებს ოპოზიციიის მხრიდან საპასუხოდ ძალიან ძლიერ დარტყმას მიიღებს“, - ამის შესახებ „ნაციონალური მოძრაობის“ წევრმა, რომან გოცირიძემ განაცხადა.

მისი თქმით, ივანიშვილმა დღეს კიდევ ერთხელ აჩვენა მონა მორჩილ საპარლამენტო უმრავლესობას, ვინ არის მისი ბატონი.

„ეს იყო ივანიშვილისადმი მონური მორჩილების დადასტურება. დღეს ვხედავთ, რომ მთელი საქართველო არის ამ უსამართლო რეჟიმის წინააღმდეგ და ნიკა მელია არის სიმბოლო ამ ბრძოლისა. ეს ბრძოლა დამთავრდება გამარჯვებით.

ვნახოთ, ეყოფა კეთილგონიერება, თუ წავა ვა-ბანკზე. წავა ვა-ბანკზე და მიიღებს საპასუხოდ ძალიან ძლიერ დარტყმას ოპოზიციიის მხრიდან.

ივანიშვილმა დღეს კიდევ ერთხელ აჩვენა მონა მორჩილ საპარლამენტო უმრავლესობას, ვინ არის მისი ბატონი. დღეს ივანიშვილი იყო პარლამენტში. ბუნებრივია, გადაწყვეტილებას არ იღებს სასამართლო, გადაწყვეტილებას არ იღებს „ქართული ოცნება“, გადაწყვეტილებას იღებს ივანიშვილი“, - განაცხადა გოცირიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი