"მოქალაქეების" ლიდერი ალეკო ელისაშვილი აცხადებს, რომ ნიკა მელია მასთან მიმართებაში ზღვარს გაცდა, სიტყვა გაექცა და მას ზედმეტები მოსდის, თუმმა ამ ყველაფე

ალეკო ელისაშვილმა მოუწოდა მმართველი გუნდის დეპუტატებს, რომ არ დაუჭირონ მხარი ნიკა მელიასთვის სადეპუტატო იმუნიტეტის შეწყვეტის საკითხს.

„ვიღაცამ შეიძლება მითხრას რას ექომაგები იმ კაცს, რომელიც დილიდან შენზე საძაგლობებს იძახისო, ფაქტია, რომ ნიკა მელია ზღვარს გაცდა ჩემთან მიმართებაში, აშკარად სიტყვა გაექცა და ზედმეტები მოსდის, თუმცა მძიმე ემოციური ფონი აქვს და მაინც ამას მივაწერ და ამით გავამართლებ მის ქმედებას, ამიტომ მინდა გთხოვოთ და მოგიწოდოთ, რომ თუ გვინდა ნორმალური ქვეყანა, როგორი დამოკიდებულებაც არ უნდა გქონდეთ „ნაციონალური მოძრაობისადმი“ ან ნიკა მელიასადმი, არ დაუჭიროთ მხარი მისთვის უფლებამოსილების შეწყვეტის საკითხს, იმიტომ რომ, რაღაც დროის შემდეგ თქვენც აღმოჩნდებით ოპოზიციაში და აუცილებლად დაგვეთანხმებით, რომ ჩვენი ეს მოთხოვნა სწორი იყო. ემოციების და პირადი დამოკიდებულებების გარეშე თუ მივეჩვევით ქართველი პოლიტიკოსები გადაწყვეტილებების მიღებას, გაცილებით უკეთესი იქნებოდა“, - განაცხადა ალეკო ელისაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პროკურატურამ ვაკეში ჩხუბის მონაწილეებს ბრალი წაუყენა, მათ 5 წლამდე პატიმრობა ემუქრებათ

ვალუტის გაუმჯობესებული კურსი — საქართველოს ბანკის მობილბანკსა და ინტერნეტბანკში

Bloomberg: ბრაზილია აშშ-ს მსგავსად უარს ამბობს ტრამპ-პუტინის შეთანხმების ფარგლებში რუსული დიზელის შეძენაზე

არ გაჩერდე - საქართველოს ბანკის ფილოსოფია