2021-02-16 12:01:09, 550 ნახვა
პოლიტიკა
საპროცედურო და იურიდიულ საკითხთა კომიტეტებმა ნიკა მელიასთვის იმუნიტეტის შეჩერებას მხარი დაუჭირეს
„ნაციონალური მოძრაობის“ თავმჯდომარე ნიკანორ მელიასთან დაკავშირებით პროკურატურის შუამდგომლობას საპროცედურო საკითხთა, წესების და იურიდიულ საკითხთა კომიტეტებმა მხარი დაუჭირა.
კომიტეტის გადაწყვეტილებას მხარი "ქართული ოცნების" ყველა დეპუტატმა დაუჭირა, "მოქალაქეების" ლიდერი ლევან იოსელიანი კი, წინააღმდეგ წავიდა.
ნიკა მელიასთვის სადეპუტატო იმუნიტეტის შეჩერების საკითხს პლენარულ სხდომაზე გაიტანენ.
გენერალურმა პროკურატურამ ნიკა მელიასთვის აღკვეთის ღონისძიებად პატიმრობის გამოყენებასთან დაკავშირებით პარლამენტს მიმართა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
