ყოფილი პრემიერ მინისტრ ბიძინას ივანიშვილის რეზიდენციასთან „თავისუფალი ზონის“ წევრები აქციას მართავენ. ისინი სასამართლოს დღევანდელ გადაწყვეტილებას აპროტესტებენ, რომლის მიხედვითაც პარლამენტთან დაკავებულ „თავისუფალი ზონის“  სამ წევრს პატიმრობა შეეფარდა.

აქციის მონაწილეები დაკავებულების გათავისუფლებას, ასევე ტელეკომპანია „რუსთავი 2“-ზე ზეწოლის შეწყვეტას ითხოვენ.

„ ჩვენ ვაპროტესტებთ „თავისუფალი ზონის“ წევრები, ქუთაისელი აქტივისტების დაპატიმრებას, ეს არის უკანონო, თუნდაც იმიტომ, რომ პიჯაკის მცირე შემოხევის გამო შვიდი წელის თავისუფლების აღკვეთა ემუქრებათ მაშინ, როდესაც ჩიორა თაქთაქიშვილისთვის ცხვირის მტეხავი და „ნაციონალური მოძრაობის” წევრ  ნუგზარ წიკლაურის თავის გამტეხავი ადამიანი მცირე ჯარიმით შემოიფარგლა, ან სულაც დაუსჯელი დარჩა.

ვითხოვთ, რომ სამი ახალგაზრდა გაათავისუფლონ, შეწყდეს ზეწოლა „რუსთავი2“-ის მიმართ“, _  განაცხადა „ექსპრესნიუსთან“ თავისუფალი ზონის წევრმა ალექსანდრე კვახაძემ.

აქციის მომაწილეები ბიძინა ივანიშვილს შეძახილებით მიმართავენ: “დიქტატორო შენი დღე წასულია“, „მოშორდი  ქვეყანას, წადი  რუსეთში“, „ღორო“, „რუსთავი 2“-ს არ შეეხოთ“  და  ა.შ.

რეზიდენციასთან „ნაციონალური მოძრაობის“ წევრებიც არიან. ადგილზე მობილიზებულია პოლიცია . 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა