საქართველოში სამდღიანი ოფიციალური ვიზიტით ესტონეთის შეიარაღებული ძალების მთავარი სერჟანტი იმყოფება.

თავდაცვის სამინისტროს ინფორმაციით, სიმ სალისტეს ქართველი კოლეგა, საქართველოს შეიარაღებული ძალების მთავარი სერჟანტი ბესიკ ხატიაშვილი მასპინძლობს. დელეგაციის შემადგენლობაში ასევე იმყოფება ესტონეთის სერჟანტთა მომზადების სკოლის ხელმძღვანელი, მაიორი მადის ნომე.

ესტონეთის შეიარაღებული ძალების დელეგაცია დღეს გიორგი ანწუხელიძის სახელობის სერჟანტთა მომზადების ცენტრს ესტუმრა. ცენტრის მეთაურმა, ვიცე-პოლკოვნიკმა ლაშა დავითაძემ სტუმრებს სასწავლო ცენტრის ინფრასტრუქტურა დაათვალიერებინა და სერჟანტთა პროფესიული განვითარების პროცესები გააცნო.

ესტონური დელეგაცია ხვალ საქართველოს შეიარაღებული ძალების გენერალური შტაბის უფროსის პირველ მოადგილეს, ბრიგადის გენერალ ვლადიმერ ჩაჩიბაიასა და წვრთნებისა და სამხედრო განათლების სარდალს, პოლკოვნიკ ლევან ბერიას შეხვდებიან. დაგეგმილია სტუმრობა ეროვნულ სასწავლო ცენტრ „კრწანისშიც“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა