ერთმანეთთან დაკავშირებული მტკიცებულებით ვაძლიერებდით, რათა მათ გავლენა მოეხდინა მოსამართლეების შინაგან რწმენაზე, - ამის შესახებ იუსტიციის მინისტრმა პარლამენტში 4 კომიტეტის გაერთიანებულ სხდომაზე გამოსვლისას განაცხადა. გოჩა ლორთქიფანიძის ანგარიში 21 იანვარს სტრასბურგის სასამართლოში მოპოვებულ ისტორიულ გამარჯვებას ეხება:

„ჩვენ ყველა სამართლებრივ არგუმენტს ერთმანეთთან დაკავშირებული რამდენიმე მტკიცებულებით ვაძლიერებდით, რათა მათ გავლენა მოეხდინა მოსამართლეების შინაგან რწმენაზე. მაგალითად:

რუსების მიერ ქართული დასახლებული პუნქტების დაბომბვის საჩვენებლად ჩვენ შემდეგი მტკიცებულებათა ერთობლიობა წარვადგინეთ:

· შევკრიბეთ თვითმხილველ მოწმეთა ჩვენებები, რომლებიც დაბომბვის კონრეტულ დროზე მიუთითებდნენ;

· დროის ზუსტად იმავე პერიოდის მიხედვით მოვიძიეთ საჰაერო რადარის ჩანაწერები, სადაც ჩანდა, რომ თვითმფრინავები რუსეთიდან შემოფრინდნენ და მანევრირებდნენ ამ კონკრეტული დასახლებული პუნქტების თავზე;

· მოვიპოვეთ იმავე დროის პერიოდში სეისმური სადგურის მიერ დაფიქსირებული აფეთქების ჩანაწერები;

· მოვიძიეთ იმ დასახლებული პუნქტების განაღმვის ფოტო- და დოკუმენტური მასალა, რომელიც ადასტურებდა რუსული ჭურვების ჩამოგდებას.

ეთნიკური წმენდის დასამტკიცებლად:

· წარვადგინეთ სატელიტური სურათების შედარებითი ანალიზი, რომელიც აჩვენებდა,  როგორ ხდებოდა მიზანმიმართულად ქართული სოფლების განადგურება;

· წარვადგინეთ მოწმეთა ჩვენებები, რომლებიც ადასტურებდნენ, რომ მიზანმიმართულად ხდებოდა მხოლოდ ეთნიკური ქართველების სახლების გადაწვა;

· წარვადგინეთ ჰააგის სასამართლოს 2016 წლის შეფასება და სხვა საერთაშორისო ორგანიზაციების დასკვნები;

· წარვადგინეთ ოკუპაციის პირობებში ეთნიკური ქართველების უფლებების განგრძობადი დარღვევის ფატქები.

რაც შეეხება ყველასთვის უკვე კარგად ცნობილ ბალისტიკურ რაკეტას – „ისკანდერს":

· მოვიძიეთ და საქმეში დავამაგრეთ აფეთქებული ჭურვის ნარჩენები;

· საქართველოდან 2008 წელს გატანილი ჭურვის ნაწილები ქვეყანაში დავაბრუნეთ და მტკიცებულებად ვაქციეთ;

· ჩავატარეთ ბალისტიკური ექსპერტიზა, მათ შორის, ჰააგის სასამართლოს ექსპერტების ჩართულობით;

· ჩავატარეთ შემთხვევის ადგილის გამოკვლევა და გორის ცენტრიდან ამოვიღეთ აფეთქებული ჭურვის ნასხლეტები, რომლებიც დღემდე კედლებსა და ხეებშია ჩარჩენილი;

· შევაგროვეთ უამრავი ფოტო- და ვიდეომასალა, რომლებზეც აღბეჭდილია აფეთქების კადრები“, - განაცხადა გოჩა ლორთქიფანიძემ.

ავტორი: NS (სტატია დაფინანსებულია),

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები