საქართველოს თავდაცვის სამინისტროსა და საქართველოს ბეისბოლისა და სოფტბოლის ეროვნული ფედერაციის ერთობლივი ორგანიზებით, საქართველოს ბეისბოლის ეროვნულ ნაკრებსა და აშშ-ს საზღვაო ქვეითთა გუნდ „მეომრებს“ შორის ბეისბოლის ამხანაგური მატჩი გაიმართა. მატჩი საერთაშორისო სამშვიდობო მისიებში დაჭრილ მეომრებსა და დაღუპულთა ხსოვნას მიეძღვნა. შეხვედრის მიზანი „დაშავებული ქართველი მეომრების“ პროგრამის შესახებ საზოგადოების უკეთ ინფორმირება იყო.

დღევანდელ მატჩს თავდაცვის მინისტრის პირველი მოადგილე დავით ებრალიძე და თავდაცვის მინისტრის მოადგილე ბესიკ ლოლაძე ესწრებოდნენ.

დავით ებრალიძის განცხადებით, დღევანდელი ღონისძიება მნიშვნელოვანია და ეს მისაბაძი უნდა გახდეს ყველა დაჭრილი თუ არა დაჭრილი მეომრისთვის.
„დღევანდელი დღე, რა თქმა უნდა, მნიშვნელოვანია. ეს ტრადიცია უკვე 5 წელია გრძელდება. ამერიკელი სამხედროები ჩვენს დაჭრილ მეომრებს მხარში უდგანან. ეს გამამხნევებელია მათთვის და მისაბაძია ყველა დაჭრილი თუ არა დაჭრილი მეომრისათვის. სასურველია, რომ ასეთ პროცესებში ჩვენი ჯარისკაცები, ამერიკელ სამხედროებთან ერთად, უფრო მეტად იყვნენ ჩართულნი. ამას ვაფასებთ და მადლობელი ვარ აშშ-ს საზღვაო ქვეითთა გუნდის, რომ ყოველწლიურად თამაშობენ ჩვენი ჯარისკაცების მხარდასაჭერად“, - განაცხადა ებრალიძემ.

ამხანაგური შეხვედრის დაწყებისას მოთამაშეებმა და მაყურებლებმა საომარ მოქმედებებსა და სამშვიდობო მისიებში დაღუპულ მეომართა ხსოვნას წუთიერი დუმილით პატივი მიაგეს. თავად მატჩი დაძაბულ ბრძოლაში საქართველოს ნაკრებით გამარჯვებით 6:5 დასრულდა.

საქართველოს ნაკრებსა და ამერიკის საზღვაო ქვეითთა გუნდს შორის მსგავსი ტიპის შეხვედრა უკვე მეხუთედ იმართება. დღევანდელ მატჩს საომარ მოქმედებებსა და სამშვიდობო მისიებში დაჭრილი ჯარისკაცები და მათი ოჯახის წევრებიც ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა