2021-02-04 12:52:28, 698 ნახვა

---

ალეკო ელისაშვილი - კომისიაში ჩავერთვები, თუ მასში მონაწილეობას მიიღებს „პატრიოტთა ალიანსი“, „ნაციონალური მოძრაობა“ და ბოკერიას პარტია

კომისიაში ჩავერთვები, თუ მასში მონაწილეობას მიიღებს „პატრიოტთა ალიანსი“, „ნაციონალური მოძრაობა“ და ბოკერიას პარტია, - ამის შესახებ საპარლამენტო ოპოზიციის წარმომადგენელმა, პარტია „მოქალაქეების“ ლიდერმა, ალეკო ელისაშვილმა არჩევნებთან დაკავშირებით დროებითი კომისიის შექმნის საკითხზე საუბრისას განაცხადა.

„ჩვენ ამ საგამოძიებო კომისიაში ჩავერთვებით სიამოვნებით, მხოლოდ იმ შემთხვევაში, თუკი მასში მონაწილეობას მიიღებს ის სამი ოპოზიციური პარტია, რომელსაც მთელი საქართველოს მასშტაბით, 3 800-ზე უბანზე ჰყავდა კომისიის წევრები. ესენი არიან „პატრიოტთა ალიანსი“, „ნაციონალური მოძრაობა“ და მეორე „ნაციონალური მოძრაობა“ ანუ ბოკერიას პარტია.

ამ ხალხს ჰყავდათ ცესკო-ს დაფინანსებული, ანაზღაურება გადახდილი კომისიის წევრები და იმისთვის, რომ ჩვენ დავინახოთ გაყალბების სრული სურათია, აუცილებელია, რომ ეს პარტიები მონაწილეობდნენ იმისთვის, რომ გვითხრან, ადასტურებენ თუ არა მათი დამკვირვებლები გაყალბების ფაქტს, სხვა შემთხვევაში ჩვენ მონაწილეობის აზრს ვერ ვხედავთ“, - განაცხადა ალეკო ელისაშვილმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი