„საზოგადოება უნდა გვენდოს, როგორც აქამდე გვენდობოდა“, - ამის შესახებ ეკონომიკის მინისტრმა ნათია თურნავამ ტელეკომპანია „იმედის“ ეთერში განაცხადა.

მან ასევე აღნიშნა, რომ სახელმწიფოს გააჩნია გრძელვადიანი პერსპექტივა, რომელიც 4-5 წელზეა გათვლილი.

„ჩვენი შედარებით გრძელვადიანი პერსპექტივა უახლოესი 4-5 წელიწადია, როდესაც საერთაშორისო სავალუტო ფონდის პროგნოზი გამართლდება და საქართველო კვლავაც იქნება ლიდერი რეგიონში ეკონომიკური ზრდის ტემპის მიხედვით.

ჩვენი საშუალოვადიანი გათვლაა, რომ ამ წლის ბოლომდე აღვადგინოთ ჩვენი ეკონომიკური პოტენციალი, გაჯანსაღება დაიწყოს და გავიდეთ პოზიტიურ ზრდაზე, რომელსაც ვვარაუდობთ.

ჩვენი მოკლევადიანი გათვლაა, უახლოეს პერიოდში, გაზაფხული-ზაფხულზე შევძლოთ, ვუმასპინძლოთ ძალიან ფრთხილად ვაქცინირებულ და ტესტირებულ ტურისტებს, ეს არის ძალიან მოკლედ რომ ვთქვათ.

ყველაფერს ვაკეთებთ იმისთვის, რომ ეს გახდეს შესაძლებელი და ჟანგბადი ჩაისუნთქოს ტურისტულმა ინდუსტრიამ, და არამარტო ერთ, არამედ სხვა რეგიონებშიც.

აქედან გამომდინარე, უნდა გვენდოს საზოგადოება, როგორც აქამდე გვენდობოდა და შედეგიც დაინახა, რომ ჩვენ ვმართავთ ამ სიტუაციას. რა თქმა უნდა, განსაკუთრებით გაგვიჭირდა მეორე ტალღის დროს, მაგრამ ესეც ავიყვანეთ კონტროლქვეშ, სწორედ აქეთკენ არის ჩვენი თითოეული გადაწყვეტილება მიმართული“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

პუტინმა მოსკოვის გარშემო კიდევ ერთი საჰაერო თავდაცვის რგოლის აშენება გადაწყვიტა

ფიშერი - ცოტა შეწუხებული ვარ პაპუაშვილის გამო, მას ან ნამდვილად არ ესმის, რას გულისხმობს ევროპა ან თავს აჩვენებს, რომ არ ესმის

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო