არ უნდა იყოს გადაჭარბებული მოლოდინი, რომ 1-ელი თებერვლიდან ჩვენთან მასიურად ტურისტი ჩამოვა, - ამის შესახებ ეკონომიკისა და მდგრადი განვითარების მინისტრმა, ნათია თურნავამ მთავრობის ადმინისტრაციაში, ბრიფინგზე განაცხადა.

როგორც მინისტრმა აღნიშნა, არის იმედი, მაგრამ არა გარანტია, რომ საქართველოში სამოგზაუროდ ტურისტები ძირითადად გვიან გაზაფხულზე შემოვლენ.

„პირველ რიგში, ჩვენ ვსაუბრობთ ამ ეტაპზე, არა საყოველთაო გახსნაზე, რამედ მხოლოდ საჰაერო გზით შემოსულ ვიზიტორებზე და მათთან მიმართებაში გარკვეულ ცვლილებებზე. არ უნდა იყოს გადაჭარბებული მოლოდინი, რომ 1-ელი თებერვლიდან მასიურად ჩვენთან ტურისტი ჩამოვა, ამის საშუალებას არც გლობალური სიტუაცია არ იძლევა, იმიტომ რომ არის პანდემია და ადამიანები ერიდებიან მგზავრობას,აქ საუბარია პირველ ეტაპობრივ ნაბიჯ-ნაბიჯ სიარულზე,  პირველ ვიზიტორებზე, ვინც შემოვა არა 1-ელი თებერვლიდან, რადგან ტურისტულ ინდუსტრიასაც დრო დასჭირდება, არამედ უფრო გვიანი გაზაფხული იქნება, როცა რეალურ შედეგებს ვიგრძნობთ, თუკი მაგ დროისთვის ყველამ შევასრულეთ ეპიდემიოლოგების რჩევები, მე იმედი მაქვს რომ არა მხოლოდ აჭარაში, არამედ დანარჩენ საქართველოშიც იმუშავებენ. ამის იმედი მაქვს, თუმცა ამის გარანტია არავის აქვს, რადგან მოულოდნელობით ხასიათდება ბრძოლა და პანდემიის დაძლევა ჯერ არ მიღწეულა“, - განაცხადა მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს