ქუთაისის პარლამენტის შენობის წინ, აქციის მონაწილეებსა და საპარლამენტო უმრავლესობის წევრებს შორის ფიზიკური და სიტყვიერი დაპირისპირება მოხდა.

აქციაზე „ნაციონალური მოძრაობის“ და „თავისუფალი ზონის“ წევრები, ასევე მოქალაქეთა გარკვეული ჯგუფი „რუსთავი 2“–თან დაკავშირებით განვითარებულ მოვლენებს აპროტესტებდნენ.

აქციის წევრები დეპუტატებს მოუწოდებდნენ დამოუკიდებელი მედიის დაცვის საკითხთან დაკავშირებით პოზიცია გამოეხატათ.

დეპუტატმა დათო ლორთქიფანიძემ  და აქციის წევრებმა  ერთმანეთს სიტყვიერი შეურაცხყოფა მიაყენეს, რასაც მათ შორის ფიზიკური დაპირისპირებაც მოჰყვა.

ერთერთმა აქტივისტმა საპარლამენტო უმრავლესობის წევრ ლუკა კურტანიძეს კითხვით მიმართა, თუ  რატომ დაყადაღდა „რუსთავი 2“? კურტანიძემ კი უპასუხა, რომ საკითხში გაერკვეოდა და შემდეგ უპასუხებდა.

„ან შენი გულისთვის კრედიტი რატომ გამეზარდა, არ ჯობდა გეჭიდავა?“, - მიმართა აქციის წევრმა კურტანიძეს.

შეგახსენებთ,  „რუსთავი 2“-ის შემდეგ სასამართლომ მის მფლობელობაში მყოფი  კომპანია,  51 % წილის მფლობელი შპს „საქართველოც“ დააყადაღა. გენერალური დირექტორის ნიკა გვარამიას განცხადებით, "რუსთავი2" დღეს დახურვის წინაშეა ისე, როგორც არასდროს. გვარამია საზოგადოებას დახმრებას სთხოვს.  მითითებულ ანგარიშზე - : GE09TB1100000018467864 მოსახლეობას ტელეკომპანიის დასახმარებლად თანხის ჩარიცხვა შეუძლია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა