საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი  ქსნის ხეობელთა ტრადიციულ დღესასწაულს  „ერისთავობა 2015“-ს დაესწრო.

როგორც „ექსპრესნიუსს“ ლტოლვილთა და განსახლების სამინისტროდან აცნობეს, „ერისთავობის“ დღესასწაული  ახალგორის მუნიციპალიტეტის ორგანიზებით, წეროვანის დევნილთა ჩასახლებაში გაიმართა.

უწყების ინფორმაციით, დღესასწაულის ფარგლებში,  ქართული ჭიდაობის ტურნირი ჩატარდა, რომელშიც მონაწილეობას დევნილი სპორტსმენებიც იღებდნენ. შეჯიბრში გამარჯვებულები დევნილთა და განსახლების მინისტრმა სოზარ სუბარმა დააჯილდოვა.

სუბარმა ასევე დაათვალიერა ქართული ტრადიციული რეწვის ნიმუშების გამოფენა, სადაც წარმოდგენილი იყო დევნილი ბავშვებისა და ქალბატონების ნამუშევრები.

გამოფენის დათვალიერების შემდეგ,  სოზარ სუბარმა  წეროვნის დევნილთა ჩასახლებაში „ახალგაზრდობის სახლის“ გახსნის ღონისძიებაში მიიღო მონაწილეობა.  „ახალგაზრდობის სახლში“ დევნილ ბავშვებს შესაძლებლობა ეძლევათ ისწავლონ ხატვა, ძერწვა, მინანქარსა და თექაზე მუშაობა

„ერისთავობის“    დღესასწაულს  ასევე დაესწრნენ  დევნილთა და განსახლების მინისტრის მოადგილეები გრიგოლ გიორგაძე და მამუკა ცოტნიაშვილი, მცხეთა-მთიანეთის გუბერნატორი  ნუგზარ ყიფიანი და ახალგორის მუნიციპალიტეტის გამგებელი ნუგზარ თინიკაშვილი.

ქსნის ხეობის ტრადიციულ დღესასწაული  წეროვანის დევნილთა ჩასახლებაში საზეიმო კონცერტით დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში