ნაციონალური მოძრაობა მერიის კეთილმოწყობის სამსახურს თანხების არამიზნობრივ ხარჯვაში ადანაშაულებს. ოპოზიციის განცხადებით, მათ მიერ კომპანიებთან ხელშეკრულება გარკვეული ინტერესების გათვალისწონებით ფორმდება.

თბილისის საკრებულოს ფრაქცია „ ნაციონალური მოძრაობა -თბილისის“ თავმჯდომარემ ირაკლი აბესაძემ განმარტა, რომ ქართული ოცნება არის აბსოლუტურად მოუმზადებელი და ნარმანიას მთლიანად სამთავრობო გუნდის შეცვლისკენ მოუწოდა.

„მოვუწოდებთ, სანამ სხვა ბევრი სუდაძე აღმოაჩნდება, მთლიანი სამთავრობო გუნდი შეცვალოს. თორემ ამ არაკვალიფიციური ადამიანების გამო, დედაქალაქში მოსახლეობის მდგომარეობა დღითიდღე უარესდება“, - აღნიშნა საკრებულოს ოპოზიციონერმა დეპუტატმა.

თბილისის საკრებულოს ფრაქცია „ნაციონალური მოძრაობა - თბილისის“ წევრმა თემურ გრიგალაშვილმა ჟურნალისტებთან წარმოადგინა საგზაო სამუშაოებთან დაკავშირებით საბურთალოს რაიონის გამგეობის მიერ კომპანია „ენკოსთან“ გაფორმებული ხელშეკრულება. რომელიც ადასტურებს, რომ არსებობს ფინანსური დარღვევა.

„ეს ეხება ერთ-ერთ მისამართზე საფეხმავლო ბილიკის მოწყობას. გაუგებარია რატომ მოითხოვა რაიონულმა გამგეობამ ტექნიკურ დავალებაში საფეხმავლო ნაწილზე 5 სანტიმეტრიანი ფენის დაგება, როცა ყველამ ვიცით, რომ იგება 3 სანტიმეტრიანი ფენა. ხელშეკრულება გააფორმა კეთილმოწყობის სამსახურმა. საგზაო სამუშაოებზე გამოცხადებული თანხაა ორ მილიონ სამას თერთმეტ ათასი. ხელშეკრულება გაფორმდა დაახლოებით მლნ ექვსასი ათასზე. აქაც არის დარღვევა გამომდინარე იქედან, რომ შესყიდვების კანონი ავალდებულებს შემსყიდველს, როცა დასახელებული თანხა გამოცხადებულ თანხაზე 20 %-ით ნაკლებია, მოითხოვოს ფასწარმოქმნის ადექვატურობის დასაბუთების მიზნით ექპსერტიზის დასკვნას“, _ განაცხადა თემურ გრიგალაშვილმა.

ცნობისთვის, დღეს თბილისის კეთილმოწყობის სამსახურის უფროსმა ავთანდილ სუდაძემ თანამდებობა პირადი განცხადების საფუძველზე დატოვა. მერიაში განმარტებები მოგვიანებით გაკეთდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი პოლიტპატიმრების შეწყალებაზე: შენდობას წინ ყოველთვის უძღვის სინანული

მდინარაძე პოლიტპატიმრების შეწყალებაზე: სადაც პრეზიდენტის დისკრეციული უფლებამოსილება არსებობს, მას რეკომენდაციაც კი შეიძლება ეზედმეტოს

სერბეთის პატრიარქი პორფირიე - ქართველმა ხალხმა მიიღო სათნო მამა, კეთილი მწყემსი და დაუღალავი მასწავლებელი

18 წლის მორაგბე ნიკოლოზ წიკლაური გარდაიცვალა