ეფექტიანი სოციალური პოლიტიკის განხორციელება ძლიერი ჯარის შექმნის მყარი საფუძველია, რომელიც საქართველოს თავდაცვისუნარიანობის ამაღლებას ემსახურება. ამ კონტექსტში თავდაცვის მინისტრმა წლის საქმიანობის ანგარიშის წარდგენისას ის ღონისძიებები შეაჯამა, რაც ქვეყნის თავდაცვისუნარიანობის ამაღლების მიზნით უწყებაში დაიგეგმა და განხორციელდა.

მინისტრი ჯარის ინსტიტუციური, გრძელვადიანი და მდგრადი განვითარების მიზნით შემუშავებულ თავდაცვის ეროვნული სტრატეგიას შეეხო, რომელიც ტოტალური თავდაცვის პრინციპს ეფუძნება.

თავდაცვისუნარიანობის ამაღლების მიზნით გატარებულ ღონისძიებებზე საუბრისას მინისტრმა საქართველოს თავდაცვის მზადყოფნის პროგრამა (GDRP) გამოყო, რომელსაც ჯარის მომზადების დონე თვისობრივად ახალ საფეხურზე აჰყავს. 

ამ პროექტით უკვე მომზადებულია 7 გაწვრთნილი სამანევრო ბატალიონი, მომავალში კიდევ 2 ბატალიონი გაიწვრთნება და აღიჭურვება.

მინისტრმა ნატოს სტანდარტების შეიარაღებაზე გადასვლის შესახებაც ისაუბრა და განმარტა, რომ  ერთ-ერთი ნათელი დასტურია ქართული ქვედანაყოფების აღჭურვა ამერიკული წარმოების M-4 ტიპის შაშხანებით, თანამედროვე ტყვიამფრქვევებით, ყუმბარმტყორცნებით და სხვა საშუალებებით.

„ახალი სტანდარტების დანერგვა ნიშნავს ჩვენს გაცხადებულ პრინციპს - ყველაფერი საუკეთესო ჯარს და ამ მთავარი პრინციპის რეალობაში საქმედ ქცევას“, - განაცხადა თავდაცვის უწების ხელმძღვანელმა ანგარიშის წარდგენისას. 

ჰაერსაწინააღმდეგო შესაძლებლობების განვითარება, საავიაციო პარკის აღდგენა-რეაბილიტაცია-მოდერნიზაციის პროცესი, საბჭოთა დროის მოძველებული სპეცტექნიკის ჩანაცვლება  მსოფლიო ლიდერი კომპანიების - გერმანული „MAN“, იტალიური „IVECO“, ამერიკული „FORD“ მიერ წარმოებული 500-მდე სპეციალური დანიშნულების ახალი ტექნიკით და თანამედროვე, ნატოს სტანდარტების ინფრასტრუქტურის შექმნა ის განხორციელებული ღონისძიებები და დაგეგმილი პროექტებია, რაც თავდაცვისუნარიანობის ამაღლებისა და ჯარის შესაძლებლობების გაძლიერების მიზნით აქტიურ პროცესშია.

მინისტრმა ნატოს შტაბ-ბინასთან სადაზვერვო ინფორმაციის გაცვლის უწყვეტობის უზრუნველყოფის მიზნით მიმდინარე ღონისძიებებზეც ისაუბრა.

მისი თქმით, აქტიურად მიმდინარეობს სადაზვერვო შესაძლებლობებისა და ტექნოლოგიების დანერგვა და განვითარება, თანამედროვე ტექნიკითა და აღჭურვილობით დაკომპლექტების პროცესი.

თავდაცვის ძალების ინსტიტუციური წარმატებისთვის ირაკლი ღარიბაშვილმა  რეზერვისა და მობილიზაციის თანამედროვე სისტემის ჩამოყალიბება აღნიშნა და განაცხადა, რომ ძლიერი ჯარისთვის მნიშვნელოვანია ძლიერი რეზერვი.

მან სავალდებულო სამხედრო სამსახურის მიმართულებით გადადგმულ მნიშვნელოვან ნაბიჯებზეც ისაუბრა და განაცხადა, რომ ამ კუთხით უკვე არსებობს პროექტი, რომელიც პარლამენტსა და  მთავრობას წარედგინება.

ავტორი: NS (სტატია დაფინანსებულია),

სოციალური ქსელები

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც