მინსკში საპროტესტო აქციაზე 300-ზე მეტი დემონსტრანტი დააკავეს

2020-12-07 11:23:13, 1160 ნახვა

მსოფლიო

ბელორუსის დედაქალაქ მინსკში, საპროტესტო აქციაზე 300-ზე მეტი დემონსტრანტი დააკავეს.

ამის შესახებ ინფორმაციას BBC-ი ავრცელებს.

გამოცემის ცნობით, სამართალდამცველებმა აქტივისტები მასობრივი შეკრების შესახებ წესების დარღვევისთვის დააკავეს.

საპროტესტო აქციები ბელარუსის სხვა ქალაქებშიც გაიმართა. მას შემდეგ, რაც მინსკის ცენტრში მასობრივი დაკავებები დაიწყო, აქციის მონაწილეები დედაქალაქის ცენტრში აღარ იკრიბებიან. აქტივისტები საპროტესტო აქციებს ეზოებში და რეგიონალურ ცენტრებში მართავენ.

ამასთან, ცნობილი გახდა, რომ აქციებზე დააკავეს ინტერფაქს დასავლეთის კორესპონდენტი და ბელორუსის საგარეო საქმეთა სამინისტროს მიერ აკრედიტირებული რუსული სააგენტოს „რია ნოვოსტის“ ჟურნალისტი, თუმცა ამ დროისთვის, ორივე მათგანი თავისუფალია.

შეგახსენებთ, რომ ბელორუსში რამდენიმე თვეა ლუკაშენკოს გადადგომის მოთხოვნით საპროტესტო აქციები მიმდინარეობს.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან