2020-12-05 10:35:18, 1244 ნახვა
მსოფლიო
ჯო ბაიდენი - აშშ-ში კორონავირუსის საწინააღმდეგო ვაქცინაცია სავალდებულო არ იქნება
აშშ-ს ახლადარჩეულმა პრეზიდენტმა, ჯო ბაიდენმა განაცხადა, რომ ქვეყანაში კორონავირუსის საწინააღმდეგო ვაქცინაცია სავალდებულო არ იქნება.
ამის შესახებ ინფორმაციას „ბიბისი“ ავრცელებს.
ამის პარალელურად, აშშ-ს დაავადებათა კონტროლისა და პრევენციის ცენტრმა მოქალაქეებს მოუწოდა, რომ შენობაში ყოფნისას ნიღაბი გამოიყენონ.
ცნობისთვის, გასულ დღე-ღამეში შეერთებულ შტატებში კორონავირუსით 2 500-ზე მეტი ადამიანი გარდაიცვალა და თითქმის 225 000 ახალი შემთხვევა გამოვლინდა. ქვეყანაში ვირუსის გავრცელებიდან დღემდე ინფიცირების 14,3 მილიონამდე შემთხვევა დაფიქსირდა და 278 000-ზე მეტი პაციენტი გარდაიცვალა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
