2020-12-01 09:28:25, 1070 ნახვა
მსოფლიო
ჯანმოს ხელმძღვანელი - კორონავირუსის წარმოშობის დასადგენად ყველაფერს ვაკეთებთ
ჯანდაცვის მსოფლიო ორგანიზაციის ხელმძღვანელი, ტედროს გებრეიესუსი მოუწოდებს ქვეყნებს, თავი შეიკავონ ახალი კორონავირუსის წარმოშობის საკითხის პოლიტიზებისგან.
ამის შესახებ „როიტერსი“ წერს.
სააგენტოს ცნობით, გებრეიესუსმა ჟენევაში სიტყვით გამოსვლისას განაცხადა, რომ კორონავირუსის წარმოშობის დასადგენად ყველაფერს გააკეთებენ.
„ჩვენ უნდა ვიცოდეთ ამ ვირუსის წარმოშობა, რადგან ის დაგვეხმარება, თავიდან ავიცილოთ მომავალი ეპიდაფეთქებები. დასამალი არაფერია. ჩვენ გვინდა ვიცოდეთ წარმოშობა და ეს არის ყველაფერი. ზოგიერთი ამის პოლიტიზებას ახდენს, თუმცა ჩვენ ყველანაირად ვცდილობდით წარმოშობის დადგენას“, - განაცხადა გებრეიესუსმა.
ავტორი: ექსპრესნიუსი,
epn.ge (@expressnews.ge)
