„არასამთავრობო სექტორი საქართველოში იყო თავისუფალი და დარჩება თავისუფალი, მათ შორის იმ შემთხვევაშიც, როდესაც სცდება“, - ასე გამოეხმაურა პარლამენტის თავმჯდომარე დავით უსუფაშვილი არასამთავრობო ორგანიზაციებთან დაკავშირებით ყოფილი პრემიერის ბიძინა ივანიშვილის განცხადებას.

მისი თქმით,  ყველას აქვს საკუთარი აზრის გამოხატვის უფლება და ჭეშმარიტებაზე მონოპოლია არავის არ ეკუთნის.

„ყველას გვაქვს საშუალება,  ჩვენი აზრი გამოვხატოთ. რაც შეეხება ზეწოლას, ამას ცოტა დასაბუთება ესაჭიროება. ეხლა რომ გითხრათ, თქვენი მიკროფონი არ მომწონს, ეს არ არის ზეწოლა, ეს შეიძლება ჩემი აზრია, რომელიც უნდა მეთქვა, ან არ უნდა მეთქვა. მაგრამ, თუ მიკროფონს გამოგართმევთ ხელიდან, მაშინ ეს უკვე ზეწოლა იქნება. არასამთავრობო სექტორი საქართველოში იყო და დარჩება თავისუფალი, მათ შორის იმ შემთხვევაშიც, როდესაც ის სცდება, ისევე, როგორც მაგალითად  პოლიტიკოსი“, - განაცხადა დავით უსუფაშვილმა.

შეგახსენებთ, ყოფილმა პრემიერ-მინისტრმა ბიძინა ივანიშვილმა ტელეკომპანია „იმედთან“  საუბრისას განაცხადა, რომ კახა კოჟორიძის , ნინო ლომჯარიას და გიგაურის მიმართ ბევრი კითხვა არსებობს და მათთან დაკავშირებით საინტერესო კვლევას დადებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში