ყველა ადამიანისთვის, ვისაც კი ბათუმში დაუსვენია, ერთ-ერთი უსაყვარლესი ადგილია "წიგნები ბათუმში" არამარტო წიგნის მოყვარულები, სხვადასხვა ინტერესის ადამიანები სწორედ "მაღაზია წიგნები ბათუმში" მოწყობილ კაფეში იკრიბებოდნენ და მსჯელობდნენ სხვაასხვა საკითებზე. - ეს საყვარელი ადგილი და ბათუმის სავიზიტო ბარათი, გამცხადებული საკარანტინო წესების გამკაცრების  გამო, დახურვის პირასაა. 

შექმნილი სიტუაციიდან გამომდინარე,  წიგნების გამოწერა, წინასაახალწლოდ, ძვირფასი ადამიანებისთვის ქუჩება, საწინდარი გახდება საყვარელი ადგილის გადასარჩენად.

მკითხველი უნდა ეწვიოს,  "წიგნები ბათუმში"-ს ფეისბუქის ოფიციალურ გვერდს, აარჩიოს მისთვის, სასრუველი წიგნი და შეიძინოს ონლაინ. 
"მხნეობა, შემართება და წიგნების სიყვარული იგივე გვაქვს და მზად ვართ, თქვენც გაგიზიაროთ. ჩვენთვისაც და თქვენთვისაც ალბათ ყველაზე რთული დროა, რაც კი შვიდი წლის განმავლობაში გამოგვივლია. ერთი სული გვაქვს, როდის დაბრუნდება ყველაფერი, რაც ასე ძალიან გვიყვარდა და ერთად ვაშენებდით: “ზღაპრის საათები”, წიგნების წარდგენები, ცოცხალი კონცერტები... ეს ყველაფერი აუცილებლად დაბრუნდება, მანამდე კი უნდა გადავრჩეთ. თქვენი წყალობით ძალიან ბევრ განსაცდელს დაუძვრა ეს პატარა მაღაზია და გვჯერა, რომ ამ დროებასაც გადავივლით. თქვენი ნაყიდი თითოეული წიგნი მყარი საფეხურია პანდემიის დროს ჩვენს გადასარჩენ კიბეზე" - წერია, ბოლო პოსტში რომელიც "წიგნები ბათუმმა" გამოაქვეყნა.
14 ნოემბრიდან, ფეისბუქ გვერდზე ლაივით, მარი კორინთელი ზღაპრებს კითხულობს.
"სიმბოლურია, რომ ჩვენი პირველი ონლაინ ზღაპრის საათი ჩვენი საყვარელი ასტრიდ ლინდგრენის დაბადების დღეს ემთხვევა. ჩვენს სტუმრებს ემახსოვრებათ, როგორ აღვნიშნავდით ხოლმე ლინდგრენის დაბადების დღეებს: კარლსონისეული ფუნთუშებით, მალინისეული ტორტით, ემილის საყვარელი ლიმონათით! ამჯერად ეს არ გამოვა, მაგრამ “ცეროდენა ნილს კარლსონის” წაკითხვა და ლინდგრენზე მოყოლა ხომ მაინც შეგვიძლია? შეგვიძლია! ჰოდა, დიდებსა და პატარებს, მოწყენილებსა და მხიარულებს, იზოლაციაში მყოფებსა და უბრალოდ სახლში თბილად მსხდომებს, გელოდებით შაბათს, 14 ნოემბერს, ჩვენს გვერდზე, ლაივში, ჩვენს ძველ, ტკბილ და კეთილ “ზღაპრის საათზე!”
 წიგნის მაღაზია “წიგნები ბათუმშიც” პირველი დამოუკიდებელი ფრანშიზა აღმოჩნდა, რომელიც დედაქალაქის საზღვრებს გარეთ დაარსდა და, რაც მთავარია, გაამართლა. “ჩვენი მაღაზია გახსნიდან რამდენიმე თვეში ბათუმის ახალ სიმბოლოდ იქცა. აქ წიგნების შესაძენად არა მხოლოდ საქართველოს, არამედ ტრაპიზონიდან, ბაქოდან და მეზობელი ქვეყნების სხვა ქალაქებიდანაც ჩამოდიან, – ამბობს ირაკლი ბაკურიძე. – სწორედ ამ მაღაზიის მაგალითმა გვაჩვენა, რომ სწორი მენეჯმენტისა და კარგად გათვლილი გეგმის პირობებში წარმატებას აუცილებლად მიაღწევ, ამიტომ მცირედი რისკი სრულიად გამართლებული ხდება”.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში