მაიკ პომპეო საქართველოში ჩამოვიდა

2020-11-17 19:39:39, 1384 ნახვა

პოლიტიკა

საქართველოში ამერიკის შეერთებული შტატების სახელმწიფო მდივნის, მაიკ პომპეოს ოფიციალური ვიზიტი დაიწყო.

მაიკ პომპეოს თვითმფრინავი თბილისის საერთაშორისო აეროპორტში, რამდენიმე წუთის წინ დაეშვა.

თბილისის აეროპორტში აშშ-ს სახელმწიფოს მდივანს საქართველოს საგარეო საქმეთა მინისტრი დავით ზალკალიანი და ელჩები დახვდნენ.

აშშ-ს სახელმწიფო მდივანი ვიზიტის ფარგლებში შეხვედრებს ხვალ, 18 ნოემბერს გამართავს.

როგორც ცნობილია მაიკ პომპეო საქართველოს პრემიერ-მინისტრ გიორგი გახარიას, პრეზიდენტ სალომე ზურაბიშვილს, საგარეო საქმეთა მინისტრ დავით ზალკალიანს და პატრიარქს, ილია მეორეს შეხვდება.

ამასთანავე, აშშ-ს სახელმწიფო მდივანს დაგეგმილი აქვს შეხვედრა საქართველოს არასამთავრობო სექტორთან.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან